Наследны прынц Ірана заклікаў да зрынання рэжыму мул

Рэза Пехлеві звярнуўся да вайскоўцаў.

Рэза Пехлеві, сын апошняга шаха Ірана, заснавальнік і лідар Нацыянальнай рады Ірана выступіў са зваротам да народа і вайскоўцаў сваёй краіны. Ён абвінаваціў рэжым аяталы Алі Хамэнэі ў тым, што той уцягнуў Іран у разбуральную вайну, якая не мае нічога агульнага з воляй і інтарэсамі іранскага народа. Гэта адбылося на фоне пачатку ізраільскай ваеннай аперацыі «Народ як леў», распачатай у ноч на 13 чэрвеня. У выніку аперацыі быў ліквідаваны кіраўнік Корпуса вартавых ісламскай рэвалюцыі і іншыя высокапастаўленыя кіраўнікі іранскага рэжыму, піша segodnya.co.il.

«Гэта не вайна Ірана і не вайна іранцаў. Гэта вайна Хамэнэі і Ісламскай Рэспублікі», - напісаў Пехлеві на фарсі ў сацыяльных сетках у пятніцу, 13 чэрвеня. Яго заява прагучала праз некалькі гадзін пасля паведамленняў аб ізраільскіх авіяўдарах па іранскіх вайсковых аб'ектах. Таксама Пехлеві адзначыў, што «Алі Хамэнэі, безразважны лідар антыіранскага рэжыму Ісламскай Рэспублікі», які зноў уцягнуў краіну ў вайну.

Пехлеві таксама звярнуўся наўпрост да вайскоўцаў, супрацоўнікаў паліцыі і службаў бяспекі, заклікаўшы іх пакінуць шэрагі рэжыму і далучыцца да народнага руху за змену ўлады. Ён назваў цяперашні момант «бітвай паміж нацыяй і разбуральнай сістэмай».

Са слоў Пехлеві, кіраўніцтва Ісламскай Рэспублікі грэбуе жыццямі сваіх грамадзян і будучыня Ірана магчымая толькі ва ўмовах свабоды. Ён заклікаў да масавых пратэстаў і ўсеагульнай забастоўкі.

«Я стаю з вамі. Мы разам у гэтай барацьбе - і мы пераможам», - дадаў ён у канцы звароту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com