У Беларусь вязуць авіябомбы і ракеты з Расеі

Станцыямі прызначэння з'яўляюцца Ліда (Гарадзенская вобласць) і Прудок (Віцебская вобласць).

Найбліжэйшым часам у Беларусь запланаваны чарговы ўвоз авіяцыйных сродкаў паражэння чыгуначным транспартам. Пра гэта паведамляе Супольнасць беларускіх чыгуначнікаў са спасылкай на свае крыніцы і аналіз цяперашняй актыўнасці на Беларускай чыгунцы (БЧ).

Згодна з інфармацыяй СБЧ, з 14 да 30 чэрвеня з Расеі ў Беларусь чыгуначным транспартам завязуць авіябомбы і ракеты розных тыпаў. Станцыямі прызначэння гэтых грузаў з'яўляюцца Ліда (Гарадзенская вобласць) і Прудок (Віцебская вобласць). Размешчаны побач са станцыяй Прудок арсенал забяспечвае ўсе асноўныя і рэзервовыя вайсковыя аэрадромы Беларусі і з'яўляецца адзіным такім аб'ектам у краіне.

Работнікам чыгункі загадалі праяўляць павышаную пільнасць да пабочных асоб і нетыповых патэнцыйна небяспечных прадметаў.

Прадугледжаны да ўвозу ў Беларусь аб'ём авіяцыйных сродкаў паражэння разлічаны як мінімум на два вайсковыя эшалоны. Пакуль станцыі адпраўлення расейскіх авіяцыйных боепрыпасаў, іх дакладны аб'ём, а таксама дату адпраўкі выявіць не ўдалося.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com