У Беларусі значна вырасце адзін са штрафаў?

Прапанова была агучаная сёння.

Дырэктар Бараўлянскага спецлясгаса (Менскі раён) Аляксандр Мірановіч у размове з першым намеснікам кіраўніка Міністэрства лясной гаспадаркі Андрэем Карасём прапанаваў «значна ўзмацніць жорсткасць» штрафу за выкід смецця ў лесе. На думку Мірановіча, спагнанне за гэта павінна быць як мінімум 50 базавых адзінак (2100 рублёў цяпер), піша «Телеграф».

«Трэба значна ўзмацняць жорсткасць заканадаўства за выкід смецця ў лясны фонд. Папярэджанні не працуюць, як і штрафы ў суме некалькіх базавых. Старт павінен пачынацца ад 50 базавых адзінак, тады будзе і іншае стаўленне грамадзян», — мяркуе кіраўнік Бараўлянскага спецлясгаса.

Паводле дзейнай нормы ў КоАП Беларусі, за забруджванне лесу адкідамі, або сцёкавымі водамі, або іншым спосабам фізічныя асобы могуць быць аштрафаваныя ў суме да 10 базавых адзінак (да 420 рублёў цяпер). За гэта ж парушэнне штраф для індывідуальнага прадпрымальніка большы - да 25 базавых (да 1050 рублёў), для юрыдычнай асобы – да 50 базавых адзінак (да 2100 рублёў). Гэта прапісана ў ч.1 арт.16.22 КоАП.

Са слоў Мірановіча, летам ледзь не ўвесь лясгас займаецца уборкай смецця, што, працягнуў ён, адцягвае яго падначаленых ад іншых важных задач. У Telegram-канале Мінлясгаса растлумачылі, што на абслугоўванні Бараўлянскага спецлясгаса знаходзяцца адразу сем пляжаў. Акрамя ўборкі смецця, там трэба касіць траву, ставіць скрыні, альтанкі і не толькі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com