У Менску прайшла каталіцкая працэсія, прысвечаная святу Цела і Крыві Хрыстовых

Фотафакт.

Гэтай сонечнай раніцай жыхары Менска маглі назіраць прыгожую і велічную каталіцкую працэсію, прысвечаную святу Цела і Крыві Хрыстовых. Яго адзначаюць у чацвер пасля пяцідзясятніцы. Аднак паколькі свята выпадае на працоўны дзень, у сталіцы працэсію часцей за ўсё праводзяць у нядзелю - напярэдадні або пасля яго.

Само свята першапачаткова было ўстаноўленае ў 1246 годзе для Льежскай епархіі, але ўжо праз 18 гадоў папа Урбан IV замацаваў яго як абавязковае свята для ўсіх каталікоў.

У Менску працэсія праходзіць штогод. Яна традыцыйна пачынаецца з набажэнства каля касцёла Святой Тройцы на Залатой Горцы і заканчваецца каля Архікатэдры сабора Дзевы Марыі. У шэсці бяруць удзел біскупы, святары, манахі і сёстры законныя, дзеці і дарослыя, якія нясуць найсвяцейшыя дары, харугвы і сцягі. Цягам усяго шляху ўдзельнікі моляцца, падыходзяць да чатырох алтароў, у якіх зачытваюць урыўкі Евангелля.

Невялікі пляц ля архікатэдры не здолеў змясціць усіх ахвочых, таму многія размясціліся на супрацьлеглым баку — ля будынка ратушы і аўтобуснага прыпынку.

Пракаментаваць урачыстасць карэспандэнт Onlíner папрасіў мітрапаліта Менска-Магілёўскага, арцыбіскупа Юзэфа Станеўскага:

— Працэсія Божага Цела адбываецца ў чацвер, але мы крыху апярэджваем падзею, бо выбіраем тую гадзіну і той дзень, калі ёсць такая магчымасць у горадзе-героі Менску, каб іншым не перашкаджаць. Так ці інакш ідзём мы не толькі па вуліцах сталіцы, але па ўсіх нашых гарадах, вёсках — там, дзе ёсць касцёл, — і праслаўляем, абвяшчаем Пана.

Хрыстус Пан, які з мёртвых паўстаў і ўступіў да дома Айца, паказаў нам дарогу да нябеснага валадарства. Але ён з намі застаўся яшчэ пад постаццю хлеба. Калісьці ў Вялікі чацвер ён узяў яго ў свае рукі, блаславіў і казаў вучням: «Гэта цела маё». То бок гэта я, я з вамі застаюся на ўсе дні аж ды сканчэння веку. Гэта найвялікшы дарунак, і некаторым цяжка ўявіць ці зразумець, як веліч Бога можа змясціцца вось у гэтай маленькай аплатцы — кавалачку хлеба. Бо мы гаворым, што ў ёй сапраўдны Бог, сапраўдны Езус Хрыстус. Людзі пытаюцца: «Як»? Мы мяркуем і разважаем нашымі людскімі магчымасцямі і здольнасцямі. Але ў Бога іншыя меркаванні. Ён усемагутны. Таму ў гэтыя дні праз працэсію Божага Цела мы дзякуем яму за ягоную прысутнасць, за тое, што ён крочыць з намі дарогамі нашага жыцця і за тое, што дабраслаўляе. Як калісьці казаў папа Францішак, “Хрыстоў жыве і хоча, каб і ты жыў”. І той, хто дазваляе Хрысту дакрануцца да сябе, становіцца маладым нанава. Таму зычу ўсім маладосці духу, бадзёрасці. Мы пілігрымы надзеі і крочым з надзеяй — наперад, да збаўлення, да сустрэчы з Госпадам.

Біскуп Юзэф раней доўга служыў у Гародні. З яго слоў, там звычайна ходзяць у чацвер - у само свята.

- Людзей, напэўна, было больш. Мы рушылі па праезнай частцы, бо ходнікі маленькія, вузенькія, і кіравацца толькі па іх было б немагчыма. І мы ўдзячныя і ўладам, і службам парадку, што нам дазваляюць ісці і дапамагаюць, каб наша працэсія прайшла бяспечна і пад аховай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com