Макрон адпрэчыў ідэю Трампа

Прэзідэнт Францыі супраць пасрэдніцтва Пуціна паміж Ізраілем ды Іранам.

Прэзідэнт Францыі Эмануэль Макрон падчас візіту ў Грэнляндыю, дзе ён выказаў падтрымку арктычнай выспе, заявіў, што Расея не мае аўтарытэту для пасрэдніцтва ў крызісе паміж Ізраілем і Іранам, як гэта прапанаваў прэзідэнт ЗША Дональд Трамп.

Пра гэта піша Reuters.

У нядзельным інтэрв'ю ABC News Трамп заявіў, што гатовы каб Пуцін, чые войскі ўварваліся ва Украіну і які супраціўляецца спробам Трампа дамагчыся замірэння з Кіевам, выступіў пасярэднікам паміж Ізраілем і Іранам. Макрон заявіў, што адпрэчвае такую ідэю.

«Я не веру, што Расея, якая цяпер вядзе інтэнсіўны канфлікт і ўжо некалькі гадоў запар не выконвае Статут ААН, можа быць пасярэднікам», – заявіў Макрон.

Ён таксама адзначыў, што Францыя не ўдзельнічала ні ў адной з нападаў Ізраіля супраць Ірана.

Макрон наведаў Грэнландыю, самакіравальную частку Даніі, якая мае права абвясціць незалежнасць і якую Трамп пагражае захапіць, перад паездкай у Канаду на саміт лідараў «Групы сямі».

У мінулыя выходныя Уладзімір Пуцін і Дональд Трамп правялі тэлефонную размову, якая тычылася эскалацыі паміж Іранам ды Ізраілем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com