WSJ: Ізраіль дамогся унікальнага поспеху

Іран быў заспеты знянацку.

На працягу 48 гадзін пасля пачатку вайны з Іранам Ізраіль заявіў пра сваю перавагу ў паветры над заходняй часткай краіны, уключаючы Тэгеран. Гэта дасягненне, якога расейскія ВПС не змаглі дасягнуць у вайне супраць Украіны за 3,5 года.

Пра гэта піша The Wall Street Journal, падкрэсліваючы, што гэтая няўдача з'яўляецца адной з прычын таго, што расейскія войскі загразлі ў знясільвальнай вайне, несучы шакавальныя страты.

Выданне таксама падае меркаванне адстаўнога генерал-лейтэнанта ВПС ЗША Дэвіда Дэптула, які паказаў на тое, што ў выпадку вайны РФ супраць Украіны можна ўбачыць асноватворную важнасць перавагі ў паветры. Паводле ягоных слоў, у вайне Расеі супраць Украіны ніводзін з бакоў не можа дасягнуць перавагі ў паветры, і гэта тупіковая сітуацыя і пераход да вайны на знясіленне. Ізраіль жа валодае магчымасцю атакаваць там, дзе ён валодае перавагай у паветры над раёнамі Ірана.

Ізраіль, безумоўна, атрымаў урокі з расейскіх няўдач і поспехаў Украіны, калі планаваў уласную кампанію супраць Ірана, піша WSJ. Але, са слоў вайсковых чыноўнікаў і аналітыкаў, найбольш відавочны ўрок у тым, што ізраільскія ВПС першапачаткова больш эфектыўныя, чым расейскія, у той час, як Украіна значна лепш абараняецца, чым Іран.

У каментары выданню адстаўны Брытанскі маршал авіяцыі Эдвард Стынгер паказаў, што складаная падрыхтоўка ды інавацыі ізраільскіх ВПС у саюзе з іх інтэграцыяй у выведвальныя і кібернетычныя магчымасці з'яўляюцца галоўнай прычынай таго, чаму Ізраіль дамогся поспеху там, дзе Расея пацярпела няўдачу.

«Усё, што ёсць у расейцаў - гэта пілоты. Яны рыхтуюць гэтых пілотаў для кіравання лятучай артылерыяй, і ўсё», - адзначыў Стынгер.

Як і ва Украіны, у Ірана няма баявых самалётаў, здольных выстаяць у паветраным баі. Аднак, акцэнтуе WSJ, у адрозненне ад Кіева, Тэгеран не змог арганізаваць наземную супрацьпаветраную абарону, якая магла б значна абмежаваць магчымасці варожых самалётаў.

Не менш важным быў элемент нечаканасці, канстатуе WSJ. Дзякуючы папярэджанням амерыканскай выведкі аб падрыхтоўцы ўварвання РФ украінскае вайсковае камандаванне ў лютым 2022 года разгрупавала і схавала большую частку сваіх мабільных сродкаў СПА. І пасля знішчэння некалькіх бартоў над украінскімі гарадамі самалёты РФ спынілі дзейнічаць за лініяй фронту, што і адбываецца дагэтуль.

У адрозненне ад Украіны Іран быў заспеты знянацку, паказвае аўтар публікацыі. Ізраільскія спецназаўцы таемна праніклі ў Іран і знішчылі ключавыя аб'екты іранскай СПА з дапамогай БПЛА. Таксама Ізраіль змог ліквідаваць большую частку вайсковага кіраўніцтва Ірана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com