Politico: Трамп можа ўдарыць па Расеі санкцыямі ў найбліжэйшыя тыдні

Лідары краін G7 паспрабуюць пераканаць прэзідэнта ЗША дзейнічаць смела.

Падчас саміту Вялікай сямёркі лідары краін могуць пераканаць прэзідэнта ЗША Дональда Трампа адкінуць ваганні і ўзмацніць санкцыйны ціск на Расею. Пра гэта выданню Politico расказаў Фрэд Флейц, былы памочнік Дональда Трампа ў нацыянальнай бяспецы.

З ягоных слоў, прэзідэнт ЗША адчувае непавагу з боку Уладзіміра Пуціна праз адмову расейскага дыктатара сур'ёзна ставіцца да мірных перамоў з Украінай.

«Ёсць вялікая імавернасць таго, што цягам наступных некалькіх тыдняў Трамп спыніць дыпламатыю і ўдарыць па Расеі санкцыямі. Але ён будзе трымаць дзверы адчыненымі для аднаўлення перамоў», - сказаў экс-памочнік Трампа ў нацбяспецы Фрэд Флейц у каментары выданню.

Аналізуючы падрыхтоўку да саміту G7 у Канадзе, выданне піша, што лідары гэтых краін будуць спрабаваць выкарыстоўваць настрой Трампа і прасунуць прапанову Еўракамісіі ў зніжэнні коштавай столі на расейскую нафту з 60 да 45 даляраў за барэль.

Аўтары артыкула нагадваюць, што напярэдадні саміту ЕЗ актывізаваў сваю пазіцыю ў пытанні ўзмацнення санкцый супраць Расеі і што іх падтрымлівае Вялікая Брытанія. Шмат што залежыць ад настрою Трампа. Журналісты пішуць, што ён будзе чакаць праяўлення павагі лідараў да яго. Фрэд Флейц дадаў, што Трамп адчувае «нянавісць» да ЕЗ, што з'яўляецца рызыкай для падтрымкі пазіцыі еўрапейцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com