Пад Слонімам згарэў лес на 168 тысяч рублёў

Вінаваты можа быць адзін курэц.

У Слонімскім раёне выгаралі 40 сотак лясной тэрыторыі, дзе высякалі дрэвы - шкода склала 168 тысяч рублёў. Высветлілася, што там паліў адзін з працоўных, распавялі ва ўправе Следчага камітэта Гарадзенскай вобласці.

Каля вёскі Баяраў Слонімскага раёна 15 траўня здарыўся пажар. Агонь знішчыў 40 сотак (0,4 га) «лясной подсцілкі і жывога надглебавага покрыва».

У момант пажару ў лесе была ўведзеная забарона на яго наведванне.

«Паводле інфармацыі следства, днём раней у лясным масіве трое працаўнікоў індывідуальнага прадпрымальніка ажыццяўлялі высечку лесу паводле дамовы. Адзін з мужчын, 44-гадовы памочнік лесасека, прызнаўся, што паліў і кідаў недакуркі на зямлю, дапусціўшы, што мог выкінуць непатушаны», - распавялі ва УСК.

Экспертыза паказала, што пажар адбыўся праз вонкавую крыніцу агню - недакурак або запалкі. Ачаг узгарання знаходзіцца якраз у месцы з выпаленай расліннасцю - там, дзе нарыхтоўвалі лес.

У дачыненні да памочніка лесасека лесу распачатая крымінальная справа за знішчэнне або пашкоджанне лесу, драўнінна-хмызняковай расліннасці па неасцярожнасці (арт.276 КК). Яму пагражае да двух гадоў пазбаўлення волі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com