Ва Украіне стварылі новую сістэму РЭБ Algiz AM

Яна глушыць варожыя дроны Mavic.

Украінскія распрацоўнікі стварылі новы сродак радыёэлектроннай барацьбы Algiz AM для «глушэння»дронаў Mavic расейскіх акупантаў. Пра гэта паведаміў кластар абаронных тэхналогій Brave1, створаны Міністэрствам лічбавай трансфармацыі Украіны.

Ва ўстанове заяўляюць, што Algiz AM з'яўляецца высокатэхналагічнай сістэмай РЭБ, здольнай эфектыўна заціскаць каналы сувязі «мавікаў», якія з'яўляюцца аднымі з самых «распаўсюджаных інструментаў на полі бою».

Brave1 прыводзіць наступныя характарыстыкі новай украінскай распрацоўкі:

→ змяняе кірунак выпраменьвання на 360 градусаў, аператыўна рэагуючы на пагрозы;

→ абсталяваны дыстанцыйным кіраваннем – аператары могуць працаваць з хованкі;

→ мабільная платформа забяспечвае хуткае разгортванне і манеўранасць у палявых умовах.

«Brave1 падтрымаў каманду распрацоўнікаў з праходжаннем кадыфікацыі – гэта паскорыла шлях да ўкаранення ў падраздзяленнях Сілаў абароны. Таксама кластар дапамог наладзіць эфектыўнае ўзаемадзеянне вытворцы з вайскоўцамі, што дазволіла ўдасканаліць сродак у адпаведнасці з рэальнымі патрэбамі фронту», – дадаюць у паведамленні.

Паводле словаў Brave1, гэтыя сістэмы ўжо выкарыстоўваюцца на перадавой. Назва Algiz паходзіць ад аднайменнай скандынаўскай руны, якая сімвалізуе абарону.

Дроны Mavic кітайскай маркі DJI актыўна выкарыстоўваюцца ўкраінскімі абаронцамі і захопнікамі цягам поўнамаштабнай вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com