За каманду Кітая дэбютавала 18-гадовая баскетбалістка з фенаменальным ростам

Чжан Цзыюй адразу стала зоркай інтэрнэту.

18-гадовая баскетбалістка Чжан Цзыюй дэбютавала за нацыянальную жаночую каманду Кітая і адразу стала зоркай інтэрнэту. Прычына такой увагі - яе ўнікальны рост: 226 см! Гэта адзін з самых высокіх паказчыкаў у гісторыі жаночага баскетбола, і пра больш высокіх спартовак афіцыйнай інфармацыі няма, піша «Трыбуна».

Сваю першую гульню за дарослую каманду Чжан правяла супраць Босніі і Герцагавіны 16 чэрвеня. За 12 хвілін на пляцоўцы яна паспела набраць 16 балаў і зрабіць 7 падбораў, а Кітай перамог з лікам 127:56.

Дзяўчыну тут жа параўналі з Яо Мінам - знакамітым кітайскім цэнтравым, які таксама меў велізарны рост (229 см).

Раней Чжан ужо заяўляла пра сябе на моладзевым узроўні. На Кубку Азіі U-18 яна была прызнаная найлепшай гульчыхай (MVP), набіраючы ў сярэднім 35 балаў, 12,8 падбораў і амаль 3 перадачы за матч.

Чжан Цзыюй ужо трапляла ў цэнтр увагі, калі ёй было ўсяго 14 гадоў — фота з турніру U-15, дзе яна значна пераўзыходзіла спаборніц у росце, сталі віруснымі.

Тлумачэнне ж такога фенаменальнага росту, мабыць, у генетыцы: бацька і маці Чжан таксама былі баскетбалістамі, іх рост — 213 і 198 см адпаведна.

Цяпер дзяўчына выступае за сістэму клуба «Пекін» і ўжо ўдзельнічала ў Матчы зорак Кітая. У жаночую НБА яна зможа трапіць не раней, чым ёй споўніцца 20 гадоў — такія правілы для замежных спартовак.

Фота і відэа з Чжан распаўсюджваюцца ў сацсетках, збіраючы мільёны праглядаў праз ейны росту і стыль гульні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com