Больш за 10 краін Еўропы дамовіліся ўзмацніць барацьбу з «ценявым» флотам РФ

Падрабязнасці.

Група еўрапейскіх краін, якія маюць выхад да мора, на сустрэчы 19 чэрвеня дамовіліся прыняць далейшыя меры, каб процідзейнічаць “ценявому” флоту Расеі.

Пра гэта гаворыцца ў супольнай заяве гэтых краін, з якой азнаёмілася “Еўрапейская праўда”.

Як паведамляецца, прадстаўнікі 12 краін Еўрапейскага звязу (краін Балтыі, Бэльгіі, Даніі, Нямеччыны, Нідэрландаў, Нарвэгіі, Польшчы, Фінляндыі, Францыі і Швэцыі), а таксама Вялікабрытаніі і Ісландыі заклікалі да «супольных і скаардынаваных дзеянняў з мэтай эфектыўнага процідзеяння спробам Расеі абысці міжнародныя санкцыі».

“Сёння мы дамовіліся аб далейшым узмацненні нашага супрацоўніцтва і забеспячэнні супольнага і скаардынаванага падыходу нашых нацыянальных органаў улады да барацьбы з ценявым флотам Расеі”, - гаворыцца ў заяве.

“Група еўрапейскіх дзяржаў плануе распрацаваць кіроўныя прынцыпы для адказных паводзін на моры, узмацнення захавання міжнароднага права і забеспячэння празрыстасці марскіх аперацый".

"Калі судны не будуць плаваць пад сапраўдным сцягам у Балтыйскім і паўночным морах, мы будзем прымаць адпаведныя меры ў рамках міжнароднага права”, - адзначаецца ў заяве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com