У Менску з'явіўся прэміяльны дом, які коштам пераплюне нават Depo
10- 2.06.2025, 19:47
- 10,274
$5000 за метр.
Гаворка пра адзін з дамоў квартала «Камфорт парк». Візуальна ён адрозніваецца ад сваіх таварышаў і сапраўды выглядае даволі шыкоўна. Начынне таксама адпаведнае. Інфармацыя пра кошт метра, планаванне і старт продажаў у гэтым сакрэтным аб'екце не раскрываецца для шырокай публікі, аднак усё гэта лёгка можна даведацца, толькі патэлефанаваўшы ў аддзел продажаў.
Дом пад нумарам 6 з'яўляецца часткай жылога комплексу «Камфорт Парк», які знаходзіцца на скрыжаванні вуліцаў Ціміразева, Панфілава, Грыбаедава і Татарскай. Узвядзенне квартала пачалося ў 2019 годзе без лішняга шуму і маркетынгавых выкрутаў. Забудоўнікам выступае група кампаній «Стромінвест».
З даступнай інфармацыі пра прэміяльны дом ёсць толькі такія звесткі, агучаныя прадстаўніком забудоўніка:
– Дом №6 адносіцца да катэгорыі «прэміюм+». Продажы кватэраў пачнуцца толькі пасля заканчэння ўсіх працаў. Продажы пройдуць у закрытым фармаце, бо ўжо ёсць ліст чакання, які сфармаваўся.
Прэміяльнасць апраўдваецца наступнымі параметрамі: падземны паркінг, кругласутачны кансьерж, усяго тры кватэры на пляцоўцы, панарамныя вокны, вышыня столяў 3,9 метра, плошчы кватэраў ад 110 да 220 «квадратаў», тэрасы.
Onlíner патэлефанаваў у аддзел продажаў і атрымаў інфармацыю: прыблізны кошт метра ў шостым доме – $5000. Цяпер фармуецца ліст чакання. Продажы стартуюць у канцы лета.
Паводле грубых падлікаў, самая танная кватэра абыдзецца на $550000, а самая дарагая – $1100000. Дакладныя кошты будуць вядомыя толькі самім пакупнікам.
Нагадаем, што статус самага дарагога жылога комплексу ў Менску раней належаў Depo. Там жыллё прадаецца ад $3600 да $4000 за метр.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
