У Трампа ёсць запасны варыянт удару па ядзерным аб'екце Ірана ў Фардо
- 20.06.2025, 8:41
- 6,218
Калі бомба GBU-57 не дапаможа.
Вашынгтон не выключае магчымасці нанясення ўдару па ядзерным аб'екце ў Фардо з ужываннем тактычнай ядзернай зброі.
Пры гэтым у ЗША ўпэўненыя ў эфектыўнасці сваіх бункерных бомбаў для знішчэння такіх глыбінных аб'ектаў, як Фардо.
Журналістка Fox News Жакі Хайнрых, спасылаючыся на прадстаўніка Белага дома, паведаміла, што Вашынгтон разглядае варыянт ужывання тактычнай ядзернай зброі супраць ядзерных аб'ектаў Ірана.
Гэтая інфармацыя з'явілася на фоне ўчорашняй публікацыі The Guardian, у якой сцвярджаецца, што Дональд Трамп нібыта сумняваецца ў дастатковай магутнасці бомбы GBU-57 масай 13,6 тоны.
Паводле інфармацыі крыніц, адразу пасля вяртання Трампа да ўлады было ўзнятае пытанне аб недастатковай эфектыўнасці глыбіннай бомбы GBU-57.
Сцвярджаецца, што аб'ект у Фардо размешчаны занадта глыбока, дасягнуць яго можна толькі з дапамогай ядзернага ўдару. Аднак сам Трамп нібы пазбягаў разглядаць такі сцэнар. Падчас пасяджэння Рады нацбяспекі ЗША ідэя ўжывання тактычнай ядзернай зброі, як сцвярджаецца, услых не агучвалася.
Аднак было адзначана, што нават дзвюх бомбаў GBU-57 можа быць недастаткова, каб цалкам знішчыць ядзерны аб'ект у Фардо.
Трамп, як і ў выпадку з Расеяй, усё яшчэ верыць, што ён зможа пасадзіць Іран за стол перамоў. Напярэдадні ў прэс-службе Белага дома заявілі, што Трамп прыме канчатковую пастанову аб Іране цягам найбліжэйшых двух тыдняў.
Прадстаўніца Белага дома Кэралайн Лівіт прывяла наўпроставую цытату Трампа, у якой ён выказаў упэўненасць, што цягам гэтых двух тыдняў Іран альбо пагодзіцца на перамовы, альбо канчаткова адмовіцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
