Навукоўцы: Пазітыўны настрой дапамагае захаваць памяць у пажылым узросце

Будзьце аптымістамі замалада.

Аптымістычны погляд на жыццё здольны запаволіць узроставае зніжэнне памяці – да такой высновы прыйшлі навукоўцы з Вялікай Брытаніі, ЗША і Гішпаніі, піша New Voice.

Вынікі 16-гадовага даследавання, апублікаваныя ў часопісе Aging & Mental Health, паказалі: людзі старэйшыя за 50 гадоў з больш высокім узроўнем псіхалагічнага дабрабыту дэманстравалі лепшыя вынікі ў тэстах на памяць.

У даследаванні ўдзельнічала 10760 чалавек, якіх кожныя два гады ацэньвалі з тэстаў на запамінанне словаў і анкеты пра якасць жыцця. Ацэньваліся такія паказнікі, як пачуццё кантролю за жыццём, магчымасць рабіць уласны выбар і адчуванне напоўненасці.

Навукоўцы выявілі невялікую, але стабільную сувязь паміж узроўнем дабрабыту і памяццю. Прычым гэты эфект захоўваўся нават пасля ўліку сімптомаў дэпрэсіі – вядомага чынніку рызыкі для кагнітыўнага здароўя.

Даследаванне падкрэслівае, што псіхасацыяльныя чыннікі выконваюць важную ролю ў здароўі мозгу. Спецыялісты адзначаюць, што клопат пра псіхічны стан, рэгулярная фізічная актыўнасць і сацыяльная задзейнічанасць могуць знізіць рызыку кагнітыўных парушэнняў у будучыні.

Хоць аўтары не знайшлі доказаў таго, што добрая памяць вядзе да паляпшэння дабрабыту, яны не выключаюць такой магчымасці. На іхнюю думку, пазітыўны настрой можа быць адным з чыннікаў прафілактыкі дэменцыі і падтрымання яснасці розуму ў сталым узросце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com