Ірландыя адмовілася ад вугалю для вытворчасці электраэнэргіі

Апошняя вугальная ТЭС у краіне пераходзіць у рэзерв і пры неабходнасці будзе працаваць толькі на нафце.

Ірландская кампанія ESB абвясціла пра спыненне выкарыстання вугалю на станцыі Moneypoint – адзінай вугальнай ТЭС у Ірландыі. Пра гэта паведамляецца на яе сайце.

Станцыя Moneypoint цяпер пераходзіць у статус рэзервовага аб'екта да 2029 года. У выпадку неабходнасці яна зможа працаваць на нафце на ўказанне ірландскага аператара электрасеткі EirGrid.

Паступова аб'ект ператворыцца ў пляцоўку для размяшчэння абсталявання, неабходнага для пераходу краіны да аднаўляльных крыніцаў энэргіі.

Важнай часткай гэтага працэсу стала ўсталяванне першага ў Ірландыі сінхроннага кампенсатара, які пачаў працаваць там у 2022 годзе. Гэтае абсталяванне выконвае крытычна важную ролю ў падтрыманні стабільнасці электрасеткі, бо дапамагае рэгуляваць інэрцыю і частату сеткі, калі сістэма атрымлівае вялікія аб'ёмы электраэнэргіі ад сонечных і ветравых электрастанцый.

Адмова ад вугальнай генерацыі стала магчымай дзякуючы хуткаму развіццю ветраэнэргетыкі ў Ірландыі – яна ўжо забяспечвае больш за трэць электраэнэргіі краіны, паведамляе Bloomberg.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com