NYT: Іран трапіў на мяжу вайны з ЗША

Удары па ядзерных аб'ектах сталі рэзкім паваротам.

Ісламская Рэспубліка Іран трапіла на мяжу адкрытай вайны са Злучанымі Штатамі пасля серыі амерыканскіх авіяўдараў па ядзерных аб'ектах краіны. У адказ Іран заявіў пра гатоўнасць да маштабнага адказу, папярэдзіўшы пра небяспеку дэстабілізацыі ўсяго рэгіёну, піша The New York Times.

Напярэдадні ноччу ЗША нанеслі ўдары па трох ключавых ядзерных аб'ектах – у Форда, Натанзе і Ісфахане. Арганізацыя атамнай энэргіі Ірана пацвердзіла напад, назваўшы яго «жорсткім парушэннем міжнароднага права».

Кіраўнік МЗС Ірана Абас Арагчы, выступаючы на экстраннай нарадзе Арганізацыі ісламскага супрацоўніцтва ў Стамбуле, перасцярог: «Удзел ЗША ў канфлікце – гэта надзвычай небяспечны крок». Ён заклікаў мусульманскія краіны выступіць адзіным фронтам супраць гэтай агрэсіі.

Два высокапастаўленыя іранскія чыноўнікі заявілі ў тэкставых паведамленнях, што да ўдараў у Тэгеране была надзея, што Трампа змогуць адгаварыць ад атакі. Паводле словаў двух іранскіх чыноўнікаў, дыпламатычныя звароты Арагчы да еўрапейскіх калег, арабскіх лідараў у рэгіёне былі часткай гэтых намаганняў.

Іранскае вайсковае кіраўніцтва ўжо неаднаразова заяўляла, што любое ўмяшанне з боку ЗША выкліча маштабны адказ. Генерал Мохсэн Рэзаі папярэдзіў: у выпадку эскалацыі Тэгеран гатовы атакаваць амерыканскія базы, перакрыць Армузскі праліў і актывізаваць марское мінаванне.

Гэтыя ўдары сталі рэзкім паваротам у дыпламатычных намаганнях: да атакі Іран вёў перамовы пры пасярэдніцтве Амана, імкнучыся да дамоўленасці пра абмежаванне ядзернай праграмы ў абмен на паслабленне санкцый. ЗША ж настойвалі на поўнай ліквідацыі ўзбагачэння ўрану ў Іране, чым фактычна паставілі Тэгеран перад выбарам –капітуляцыя ці канфлікт.

Рызыкі для сусветнай энэргетычнай бяспекі растуць: праз Армузскі праліў штодзень праходзіць больш за 20 мільёнаў бараляў нафты. Іранскія хаўруснікі ў рэгіёне, уключаючы хусітаў у Емене, ужо заявілі пра магчымыя атакі на амерыканскія караблі ў Чырвоным моры.

Палітычныя аналітыкі ў Тэгеране папярэджваюць: як адказ, так і адмова ад яго могуць мець катастрафічныя наступствы для рэжыму. Удар у адказ пагражае вайной са звышдзяржавай, а капітуляцыя – стратай ядзернага патэнцыялу і рэгіянальнага ўплыву.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com