Мядзведзеў зладзіў істэрыку пасля ўдару ЗША па Іране

Намеснік старшыні Рады бяспекі РФ абвінаваціў Трампа ў «пачатку новай вайны» і паведаміў пра магчымую перадачу Ірану ядзернай зброі.

Прэзідэнт ЗША Дональд Трамп «ублытаў ЗША ў новы канфлікт з перспектывай наземнай аперацыі», загадаўшы нанесці ўдары па ядзерных аб'ектах Ірана, заявіў намеснік старшыні Рады Бяспекі Расеі Дзмітрый Мядзведзеў, паведамляе The Moscow Times.

«Трамп, які прыйшоў як прэзідэнт-міратворац, пачаў новую вайну», – напісаў ён у сваім тэлеграм-канале. На думку Мядзведзева, «абсалютная большасць краінаў свету супраць дзеянняў Ізраіля і ЗША».

Мядзведзеў таксама сцвярджае, што некаторыя дзяржавы «гатовыя наўпрост паставіць Ірану свой ядзерны боекамплект». Пры гэтым ён не ўдакладніў, ці ёсць сярод іх Расея, якая з'яўляецца «стратэгічным партнёрам» ісламскай рэспублікі.

ЗША далучыліся да Ізраіля для знішчэння ядзерных аб'ектаў Ірана ў ноч на 22 чэрвеня, нанёсшы ўдары па трох ключавых заводах – у Натанзе, Ісфахане і Форда, у тым ліку з ужываннем супрацьбункерных бомбаў. Трамп абвесціў, што аперацыя прайшла паспяхова.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com