Ратвейлер напаў на 6-гадовае дзіця ў Астравецкім раёне

Дзіця атрымала сур'ёзныя траўмы і ў цяжкім стане трапіла ў лякарню.

У вёсцы Маркуны Астравецкага раёна блізу 11 раніцы нядзелі двое дзяцей каталіся на роварах. На аднаго з іх накінуўся ратвейлер, паведамляюць у Гарадзенскім УУС.

Паведамляецца, што сабака напаў, калі дзеці праязджалі міма аднаго з дамоў – сабака раптам выбег з-за плоту. Адзін з хлопцаў, 6-гадовы хлопчык, ад спалоху ўпаў з ровара – і на яго накінуўся ратвейлер. Другі паспеў з'ехаць і расказаць дарослым. Людзі прыйшлі на дапамогу, у выніку ім удалося адагнаць жывёлу і замкнуць яе ў вальеры.

Адзначаецца, што дзіця атрымала сур'ёзныя траўмы ног, у цяжкім стане яго адвезлі ў лякарню. Паводле папярэдняй інфармацыі, раней ратвейлер агрэсіі не выяўляў, быў належным чынам зарэгістраваны.

На месцы здарэння працуе міліцыя, дзеянням уладальніка сабакі будзе дадзеная прававая ацэнка.

У міліцыі папярэджваюць уладальнікаў буйных сабак, што яны нясуць поўную адказнасць за іх паводзіны і за негатыўныя наступствы, прычыненыя дзеяннямі жывёлы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com