17 лiпеня 2025, Чацвер, 9:49
Падтрымайце
сайт
Сім сім,
Хартыя 97!
Рубрыкі

Апублікаваныя спадарожнікавыя здымкі цэнтра Фардо ў Іране пасля атакі ЗША

Апублікаваныя спадарожнікавыя здымкі цэнтра Фардо ў Іране пасля атакі ЗША
Фота: AFP

Дакладны маштаб шкоды пакуль не пацверджаны.

З'явіліся першыя спадарожнікавыя здымкі ядзернага цэнтра ў Фардо пасля таго, як у ноч на нядзелю, 22 чэрвеня, яго атакавалі бамбавікі ЗША. На выявах бачныя пашкоджанні горнага масіву, дзе размешчаны аб'ект, вонкавай часткі комплексу і ўваходаў у падземныя тунэлі, паведамляе «Радыё Свабода».

Дакладны маштаб шкоды пакуль не пацверджаны.

Кампанія Maxar, якая спецыялізуецца на спадарожнікавым маніторынгу, заявіла, што зафіксавала незвычайную актыўнасць транспарту і грузавікоў ля завода Фардо за два дні да ўдараў. Гэта можа сведчыць аб вывазе высокаўзбагачанага ўрану з тэрыторыі прадпрыемства.

Міжнароднае агенцтва атамнай энэргіі (МАГАТЭ) заявіла, што пасля ўдараў ЗША прыкметы павышэння ўзроўню радыяцыі на тэрыторыі Ірана не зафіксаваныя.

Таксама сачыце за акаўнтамі Charter97.org у сацыяльных сетках