У Расеі за дзень адбыліся два выбухі ў жылых шматпавярховіках
8- 22.06.2025, 16:31
- 7,002
Адзін чалавек загінуў.
На поўначы Масквы ў дзевяціпавярховым жылым доме на Учынскай вуліцы адбыўся выбух. У выніку загарэўся першы паверх, паведамілі ў гарадской управе МНС. Супрацоўнікі ведамства знайшлі «ў ачагу пажару» аднаго загінулага. На месцы працуюць восем ратавальнікаў і тры адзінкі тэхнікі, піша The Moscow Times.
Паводле звестак гарадскога Дэпартамента аховы здароўя, пацярпелі чатыры чалавекі, дваіх шпіталізавалі ў стане сярэдняй цяжкасці. Двум дапамога нададзеная на месцы. Яшчэ 20 жыхароў былі эвакуяваныя.
Маскоўская пракуратура паведаміла, што адна кватэра на першым паверсе выгарала цалкам, іншая часткова. Таксама разбурылася міжкватэрная перагародка. Наглядны орган кантралюе ўстанаўленне абставін здарэння.
Яшчэ адзін пажар у жылым доме адбыўся ў нядзелю ў Сярова Свярдлоўскай вобласці. Выбухнуў бытавы газ у кватэры на апошнім, пятым, паверсе, паведаміў губернатар рэгіёну Дзяніс Паслер. З яго слоў, пацярпелі пяць чалавек. У аднаго з іх - апёкі 63% цела, яго даставяць верталётам санітарнай авіяцыі на лячэнне ў Екацярынбург. Астатнія атрымалі ўдары і ранкі. Таксама ў аднаго з жыхароў западозрылі чэрапна-мазгавую траўму.
Губернатар удакладніў, што ў выніку выбуху пашкоджаныя канструкцыі дома і гарышча, пацярпела 21 кватэра. Эвакуяваныя 40 жыхароў. У адным пад'ездзе адключылі газ і электрычнасць. Спецыялісты паведамілі, што скаргаў ад жыхароў дома на пах газу ці праблемы з выцяжкай не паступала. Праверкі камунікацый праводзіліся ў лютым і траўні 2025 года.
Паслер склікаў аператыўны штаб па факце здарэння. Кіраўнік Сярова ўвёў НС муніцыпальнага характару. На месцы працуюць 69 чалавек, у тым ліку 25 ратавальнікаў МНС.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
