Кіраўнік МЗС Ірана тэрмінова вылецеў да Пуціна

Тэгеран спадзяецца на дапамогу расейскага дыктатара.

Кіраўнік МЗС Ірана Абас Арагчы тэрмінова вылятае ў Расею на перамовы з Пуціным пасля таго, як ЗША наважыліся далучыцца да ўдараў па іранскіх ядзерных аб'ектах, якія больш за тыдзень бамбаваў Ізраіль.

«Я еду ў Маскву сёння, і заўтра раніцай у мяне сустрэча з прэзідэнтам Пуціным. Расея — сябар Ірана, і ў нас стратэгічнае партнёрства», — заявіў Арагчы на прэс-канферэнцыі ў нядзелю.

Расея хацела б умяшацца ў сітуацыю з Іранам, бо пад ударам блізкі партнёр і хаўруснік, было зроблена нямала дыпламатычных намаганняў, але ўсе спробы скончыліся безвынікова, распавялі The Moscow Times крыніцы, блізкія да замежнапалітычнага блока Крамля і да расейскага МЗС.

Са слоў адной з крыніц, дзейнага чыноўніка ўрада, Крэмль усё ж можа паспрабаваць паўплываць на тое, што адбываецца, у партнёрстве з «дружалюбнымі» краінамі - Кітаем, Бразіліяй і Індыяй. «Будзем спрабаваць стварыць нейкі фронт краін, якія выступаюць за мірнае развязанне іранскай ядзернай праблемы, – сказала крыніца. – Вельмі важна нейкім чынам паспрабаваць пераканаць амерыканскіх партнёраў у зоне [Персідскай] затокі, каб яны таксама пастараліся паўплываць на Вашынгтон у плане большай стрыманасці».

Расейска-іранская дамова аб стратэгічным партнёрстве не прадугледжвае вайсковай дапамогі, і чакаць ад Масквы «дэманстрацыі мускулаў» у падтрымку Ірана наўрад ці варта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com