Японскія СМІ назвалі імя яшчэ аднаго вызваленага з беларускай турмы

Яго затрымалі ў 2024 годзе.

Са зняволення ў Беларусі былі вызваленыя двое грамадзян Японіі, сцвярджае KYODO NEWS са спасылкай на крыніцу ва ўрадзе Японіі. Раней было вядома толькі аб адным - Акіхіра Гаеўскім-Ханадзе.

Імёны вызваленых не называюцца, але гаворыцца, што адзін з іх быў затрыманы ў 2020 годзе, а другі - у 2024 годзе. Пасля вызвалення абодва прыбылі ў Літву і знаходзяцца ў «добрым здароўі».

Пра вызваленне Акіхіра Гаеўскага-Ханады стала вядома 21 чэрвеня.

Другі вызвалены японец, імаверна, трэвел-блогер «Этэру». Паводле інфармацыі «Супольнасці чыгуначнікаў Беларусі», ён быў затрыманы 1 снежня на перагоне Калінкавічы-заходнія - раз'езд Клінск Гомельскага аддзялення БЧ за тое, што здымаў на відэа «канструкцыі аўтадарожнага пуцеправода трасы».

Вызваленне двух японскіх грамадзян і яшчэ 12 палітвязняў, у тым ліку Сяргея Ціханоўскага, адбылося на фоне візіту ў Менск спецпрадстаўніка прэзідэнта ЗША Кіта Келага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com