Куды рушыць курс даляра далей: прагноз па валютах
4- 23.06.2025, 10:05
- 6,552
Прагноз на тыдзень.
Мінулы тыдзень прадоўжыў тэндэнцыю на ўмацаванне нацыянальнай валюты. Абменны курс даляра ЗША на таргах валютнай секцыі БВФБ у сярэдзіне тыдня апускаўся да чарговага гадавога мінімуму ў USD/BYN 2,9697. Што будзе з курсамі на гэтым тыдні, расказвае фінансавы аналітык Міхаіл Грачоў у традыцыйным прагнозе на myfin.by.
Праўда, да заканчэння гандлёвай пяцідзёнкі зніжэнне курсу даляра скарэктавалася да USD/BYN 2, 9781 і агульны мінус мінулага тыдня склаў -0,22%. Да пачатку года беларускі рубель умацоўваецца да даляра ЗША ўжо на -14,26%. Аб'ём таргоў крыху вышэйшы за сярэдні і за тыдзень склаў 74,375 млн даляраў ЗША.
Абменны курс расейскага рубля на беларускім валютным рынку застаўся практычна без змены, павялічыўшыся за ўвесь тыдзень на нязначныя 0,04%. Хоць у сераду 18 чэрвеня курс рубля на беларускай біржы таксама паднімаўся да RUB/BYN 3,7831, да заканчэння гандлёвага тыдня курс вярнуўся да значэння RUB/BYN 3,775. Аб'ём таргоў таксама дастаткова высокі і склаў 25 201,300 млн рублёў.
Што ўплывае на курсы валют?
Які магчымы далейшы рух абменнага курсу беларускага рубля да асноўных валют? Адказ на гэтае пытанне можна знайсці ў выніках дзвюх значных падзей мінулага тыдня.
Адна з іх - гэта сустрэча кіраўнікоў эканамічнага блока на палях Санкт-Пецярбуржскага эканамічнага форуму. Міністр фінансаў Антон Сілуянаў, кіраўніца Банка Расеі Эльвіра Набіуліна і міністр эканомікі Максім Рашэтнікаў вельмі грунтоўна паспрачаліся ў рамках панэльнай дыскусіі.
Першыя двое баранілі ідэю не залазіць у праблемы манетарнай палітыкі, якая працягвае заставацца ў жорсткіх рамках. Максім Рашэтнікаў наракаў на моцны рубель і страты бюджэту і экспарцёраў ад умацавання расейскай валюты. Ісціна, як заўсёды пасярэдзіне, але пакуль воз і цяпер тамака.
Цэнтрабанк не плануе адпускаць лейцы і гэта цалкам вытлумачальнае. Высокая ключавая стаўка ўтрымлівае банкаўскія дэпазіты на такіх жа высокіх узроўнях і, у выпадку істотнага паслаблення абменнага курсу рубля да даляра ЗША, укладчыкі не стануць утрымліваць зберажэнні ў банках, а масава пачнуць пераводы ў «баксы». Такая гісторыя наўрад ці ўзрадуе банкаўскую сістэму.
Прыкладна такі ж кейс і ў Беларусі, дзе аб'ём дэпазітаў расце, курс даляра ідзе ўніз, а фізічныя асобы працягваюць выходзіць з даляраў у рублёвыя дэпазіты. Зваротны працэс магчымы пры ўмацаванні даляра на ўнутраным рынку, але ён не патрэбен банкаўскай сістэме.
Другі фактар мінулага тыдня - пасяджэнне камітэта FOMC ФРС ЗША, якое адбылося ў сераду ўвечары. Адсоткавая стаўка прадказальна была пакінутая без змены, і ўся ўвага была звернутая на вынікі прэс-канферэнцыі кіраўніка ФРС спадара Джэрама Паўэла.
Паводле вынікаў выступу, палітыка змякчэння манетарнага курса была зрушаная на восень 2025 года (у найлепшым выпадку), курс даляра ЗША ў пары з еўра ў моманце ўмацаваўся да EUR/USD 1,1453, але да заканчэння тыдня вярнуўся да сярэдніх значэнняў апошняга месяца.
Прагноз на тыдзень
Не выключана, што з пачаткам гэтага тыдня сусветны фінансавы рынак чакае ўзварушэнне на фоне эскалацыі ваеннага канфлікту на Блізкім Усходзе. Уцягванне ў канфлікт Злучаных Штатаў, пагроза Ірана заблакаваць Армузскую пратоку і г.д. можа прывесці да імклівага рыўка коштаў нафты і золата.
Патэнцыял росту нафтавых каціровак і пачатак падатковага перыяду ў Расейскай Федэрацыі безумоўна падтрымаюць рубель і на гэтым тыдні не выключана далейшае ўмацаванне і беларускага рубля на нацыянальным валютным рынку. Такім чынам, спаўзанне курсу яшчэ ніжэй за тры рублі можа працягнуцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
