Беларусы прыдумалі спосаб абхітрыць ДАІ
37- 23.06.2025, 13:41
- 24,740
«Апранаем чорныя цішоткі».
Беларуская ДАІ апублікавала ў TikTok відэа, якое дэманструе здольнасці Рэспубліканскай сістэмы маніторынгу «грамадскай бяспекі». Але беларусы ў каментарах тут жа прапанавалі свае метады перахітрыць відэакантроль.
Так, у кароткім роліку мільгаюць кадры, на якіх камеры фіксуюць кіроўцаў, якія трымаюць мабільны тэлефон ля вуха падчас руху, а таксама тых, хто грэбуе рамянямі бяспекі. «Вы парушаеце, але супрацоўнікі ДАІ ўсё бачаць. Бяспека грамадзян - прыярытэт!» - так падпісалі свой допіс у ведамстве.
Аднак каментатары пад допісам не замарудзілі падзяліцца сваімі меркаваннямі і нават лайфхакамі.
Некаторыя кіроўцы цяжкавікоў паказалі на спецыфіку сваіх машын: «Ага, у МАЗе кропка мацавання рамяня на сценцы кабіны, зараз уявіце сабе, як кіроўцу ехаць на пнеўмасядзенні з рамянём , які вечна шаруе і душыць?»
Зрэшты, іншы каментатар з гэтым не пагадзіўся, адзначыўшы, што «дзевяць гадоў праездзіў на 6501А5, нічога не перашкаджала».
Іншы карыстач пацікавіўся, як менавіта яго непрышпілены рамень «уплывае на бяспеку навакольных» і задаўся пытаннем: «І калі гэтыя камеры будуць здымаць ямы, адсутнасць разметкі?»
Аднак найбольшую папулярнасць атрымала «старая, але актуальная бізнэс-ідэя»: «Светлая майка, з чорнай паласой папярок, для тых, каму лянота прышпіліцца».
Іншыя каментатары падтрымалі: «Надзяваем чорныя майкі або майкі з чорнай паласой».
Хаця знайшліся і тыя, хто прапанаваў прасцейшае развязанне: «Або проста прышпільваемся».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
