CEPA: Ці магчымае NATO без ЗША?
5- 23.06.2025, 11:24
- 2,896
У Еўропе ўсё часцей задумваюцца аб стратэгічнай аўтаноміі.
Зніжэнне цікавасці ЗША да NATO выклікае занепакоенасць сярод еўрапейскіх хаўруснікаў і падштурхоўвае да пошуку альтэрнатыўных фарматаў абароннага супрацоўніцтва, піша выданне CEPA (пераклад - сайт Charter97.org).
На фоне нестабільнай замежнай палітыкі Вашынгтона і росту сумневаў у надзейнасці амерыканскіх гарантый у Еўропе ўзмацняюцца заклікі да стратэгічнай аўтаноміі.
Канцлер Нямеччыны Фрыдрых Мэрц заклікаў перагледзець фармат альянсу і стварыць «альтэрнатыву NATO ў яго цяперашнім выглядзе». Прэзідэнт Францыі Эмануэль Макрон, застаючыся фармальна прыхільным альянсу, актыўна прасоўвае ідэю самастойнай еўрапейскай абароны. Абодва лідары прызнаюць: Еўропа павінна быць гатовай дзейнічаць незалежна ад ЗША.
Прычынай такога павароту сталі не толькі паводзіны прэзідэнта ЗША Дональда Трампа, але і агульная тэндэнцыя амерыканскай палітыкі да зніжэння ўцягнутасці ў еўрапейскую бяспеку. Зрыў дапамогі Украіне, абмежаванне абмену выведзвесткамі і блакаванне пашырэння NATO падрываюць давер да ЗША як лідара альянсу.
Аднак новы фармат – няхай гэта будзе рэформа NATO ці пашырэнне абароннай палітыкі ЕЗ за яго межы – немагчыма без справядлівага размеркавання выгод і ўдзелу ўсіх еўрапейскіх краін. Ідэя палягае не ў адмове ад ЗША, а ў гатоўнасці Еўропы дзейнічаць самастойна пры неабходнасці.
Развіццё ўласнай абароннай прамысловасці, інтэграцыя малых і сярэдніх краін і каардынацыя з хаўруснікамі накшталт Вялікай Брытаніі і Нарвегіі павінны стаць асновай новай архітэктуры еўрапейскай бяспекі. Ва ўмовах глабальнай нестабільнасці Еўропа проста не можа дазволіць сабе залежаць ад ваганняў замежнай волі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
