BBC: Што такое Армузскі праліў і чаму ён важны

Фактычна - гэта галоўны нафтавы калідор свету.

На фоне абвастрэння напружанасці паміж ЗША і Іранам зноў усплыла пагроза: Тэгеран можа заблакаваць Армузскі праліў - самы загружаны ў свеце маршрут транспартавання нафты, піша BBC (пераклад - сайт Charter97.org).

Праз гэты вузкі марскі шлях, шырынёй усяго 33-50 км, штодня праходзіць амаль 20% сусветнага аб'ёму нафты і газу. Яго перакрыццё прывядзе да рэзкага росту коштаў на энэргарэсурсы і сур'ёзных збояў у глабальнай эканоміцы. Пацерпяць найбуйнейшыя эканомікі свету, уключаючы Кітай, Індыю і Японію, якія імпартуюць большую частку нафты менавіта праз Армузкі праліў.

Праліў мяжуе з Іранам на поўначы і Аманам і ААЭ - на поўдні. Ён крытычна важны для паставак нафты з краін Персідскага заліва, у тым ліку Савудаўскую Арабію, Ірак, Кувейт, Катар і сам Іран.

Закрыццё праліва можа быць дасягнута з дапамогай мінавання, нападаў малых катараў і падлодак. Экспэрты ўважаюць, што ЗША і хаўруснікі змогуць хутка аднавіць рух з дапамогай вайсковых сродкаў, як гэта ўжо адбывалася ў 1980-х.

Тым не менш наступствы былі б глабальнымі. Азія - асноўны спажывец нафты з рэгіёну. Больш за 80% сыравіны, якая праходзіць праз Армуз, накіроўваецца менавіта туды. Кітай купляе да 90% іранскай нафты, Індыя атрымлівае праз праліў амаль палову сваіх паставак нафты, Японія - блізу 75%.

Хаця Іран неаднаразова пагражаў перакрыць праліў, ён ні разу гэтага не рабіў. Экспэрты ўважаюць, што такі крок стаў бы эканамічным самагубствам для Тэгерана і выклікаў бы незадаволенасць нават з боку хаўруснікаў, у тым ліку Кітая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com