Трамп: Не дапускайце павышэння коштаў нафты

Прэзідэнт ЗША адзначыў, што павышэнне коштаў "гуляе на руку ворагу" яго краіны.

Прэзідэнт ЗША Дональд Трамп апублікаваў у сваёй сацсетцы Truth Social допіс з заклікам не дапусціць росту коштаў нафты. Ён адзначыў, што такое развіццё падзей "гуляе на руку ворагу" яго краіны.

Заява Трампа была апублікаваная на фоне асцярог з нагоды магчымага сілавога адказу Ірана на ўдары ЗША па іранскіх ядравых аб'ектах, а таксама росту напружанасці на Блізкім Усходзе. «Не дапускайце павышэння коштаў нафты. Я сачу за гэтым! Вы гуляеце на руку ворагу. Не рабіце гэтага!» - напісаў Трамп.

Следам амерыканскі прэзідэнт звярнуўся да Мінэнерга ЗША: «Буры, дзетка, буры!!! Я маю на ўвазе зараз!!!»

Фраза «Буры, дзетка, буры!» (Drill, baby, drill!) была адным з неафіцыйных лозунгаў перадвыбарнай кампаніі Дональда Трампа. Уступіўшы на пасаду прэзідэнта 20 студзеня 2025 года, Трамп аб'явіў надзвычайнае становішча ў амерыканскай энэргетыцы, падпісаў шэраг указаў, накіраваных на падтрымку здабычы нафты і газу, і заявіў аб неабходнасці ўдвая павялічыць вытворчасць энэргарэсурсаў. Трамп казаў, што такія захады дазволяць ЗША "зноў стаць багатай дзяржавай", "знізіць кошты практычна на ўсе тавары і паслугі" і дасягнуць статусу "вытворчай звышдзяржавы".

Цяпер ЗША з'яўляюцца найбуйнейшай па здабычы нафты краінай у свеце. На другім месцы па здабычы нафты знаходзіцца Расея, а на трэцім - Савудаўская Арабія.

Кошты нафты працягваюць расці на фоне эскалацыі на Блізкім Усходзе. У ноч на 22 чэрвеня ЗША адкрыта ўступілі ў канфлікт Ізраіля з Іранам, нанёсшы ўдары па іранскіх ядравых аб'ектах. Пасля гэтага кошт нафты маркі Brent упершыню са студзеня перавысіў $80 за барэль. На працягу дня сітуацыя стабілізавалася, кошт жнівеньскіх ф'ючэрсаў нафты Brent апусціўся ніжэй за $77 за барэль.

Мэтай атакі Трамп назваў "ліквідацыю ядравай пагрозы, якая зыходзіць ад дзяржавы - спонсара тэрарызму нумар адзін у свеце". Улады Ірана неаднаразова адмаўлялі планы стварэння ядравай зброі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com