Украінскі Нафтагаз адсудзіў у расейскага Газпрама $1,37 млрд за невыкананне кантракту

Пастанова арбітражу.

НАК «Нафтагаз Украіны» перамог у міжнародным арбітражы супраць расейскага Газпрама, паведаміў кіраўнік кампаніі Сяргей Карэцкі.

Арбітражны трыбунал у Швэйцарыі абавязаў Газпрам выплаціць $1,37 млрд на карысць украінскай кампаніі за парушэнне прынцыпу take or pay, прадугледжанага транзітным кантрактам.

Справа тычыцца спынення Газпрамам аплаты за транзіт расейскага газу праз Украіну з траўня 2022 года, калі Украіна адмовілася транспартаваць газ праз акупаваную тэрыторыю Луганскай вобласці. Аднак Нафтагаз не адмовіўся ад транзітных паслуг, а проста прапанаваў перанесці іх у пункт Суджа ў Сумскай вобласці.

Расея не захацела, перастала плаціць закантрактаваныя аб'ёмы транзіту, таму Нафтагаз ініцыяваў арбітраж у Швэйцарыі паводле швэдскага права.

«У верасні 2022 года Нафтагаз ініцыяваў арбітраж, які Газпрам спрабаваў заблакаваць праз расейскія суды. Гэта не спрацавала. Цяпер ёсць канчатковая пастанова: трыбунал з арбітраў са Швэцыі, Швэйцарыі і Ізраіля цалкам стаў на бок Нафтагаза», – напісаў Карэцкі ў Facebook.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com