Нямеччына можа вярнуць набор у войска, калі не атрымаецца набраць добраахвотнікаў

Бэрлін мае намер стварыць «самае моцнае войска ў Еўропе».

Нямеччына гатовая вярнуць абавязковую вайсковую службу, калі план набору добраахвотнікаў не забяспечыць неабходнае папаўненне войска. Пра гэта заявіў міністр абароны Барыс Пісторыус, прадставіўшы ініцыятыву ва ўмацаванні рэзерваў Бундэсвера на фоне пагрозы з боку Расеі, піша Financial Times (пераклад - сайт Charter97.org).

Спачатку Бэрлін пачне з добраахвотнай мадэлі, прапанаваўшы 18-гадовым прайсці апытанне аб гатоўнасці да службы. Мяркуецца, што штогод на навучанне будуць залічвацца блізу 5 000 чалавек. Мэта - павялічыць колькасць рэзервістаў з 60 000 да 200 000 да канца дзесяцігоддзя.

Аднак законапраект, які паступіць у Бундэстаг пасля летніх вакацый, будзе ўключаць і пастанову аб вяртанні набору ў войска. Са слоў Пісторыюса, гэта план на выпадак, калі добраахвотнікаў будзе недастаткова. «У нас няма часу запускаць увесь працэс нанова. Закон павінен утрымліваць абодва варыянты», - заявіў ён тэлеканалу ARD.

Канцлер Нямеччыны Фрыдрых Мэрц раней заявіў, што Нямеччына павінна стварыць «самае моцнае войска ў Еўропе» і ўзяць на сябе вялікую адказнасць за бяспеку кантынента. Пасля перамогі на выбарах у лютым ён скасаваў абмежаванні на дзяржаўныя запазычанні для павелічэння абароннага бюджэту.

Праблемай цяпер застаецца нястача кадраў. Плануецца павялічыць колькасць прафесійнага войска з 183 000 да 260 000 чалавек да 2035 года. Для гэтага, са слоў міністра, трэба падвысіць прывабнасць службы — палепшыць умовы, аплату і перспектывы.

Некаторыя ў кіроўнай кааліцыі мяркуюць, што абавязковы набор трэба вяртаць ужо цяпер. Аднак, як адзначыў Пісторыус, у войску пакуль няма дастатковай інфраструктуры для навучання сотняў тысяч навабранцаў штогод.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com