14 лiпеня 2025, панядзелак, 8:32
Падтрымайце
сайт
Сім сім,
Хартыя 97!
Рубрыкі

Кандыдат Трампа на пасаду галоўнага камандзіра сілаў NATO ў Еўропе: Украіна можа перамагчы ў вайне з РФ

4
Кандыдат Трампа на пасаду галоўнага камандзіра сілаў NATO ў Еўропе: Украіна можа перамагчы ў вайне з РФ

Алексус Грынкевіч – нашчадак беларускіх эмігрантаў у ЗША.

Кандыдат прэзідэнта ЗША Дональда Трампа на пасаду галоўнага камандзіра сіл NATO ў Еўропе генерал-лейтэнант Алексус Грынкевіч мяркуе, што Украіна можа перамагчы ў вайне з Расеяй.

Пра гэта ў аўторак, 24 чэрвеня, паведамляе выданне USA Today.

«Я думаю, што Украіна можа перамагчы», – заявіў Грынкевіч падчас слуханняў у Сенаце 24 чэрвеня.

Таксама, паводле ягоных словаў, украінцы змагаюцца з «упартасцю, якую амерыканцам цяжка сабе ўявіць».

Як паведамляў Charter97.org, прадзед генерала Ілля Грынкевіч нарадзіўся ў 1873 годзе ў Менску ў сям'і Стэпана (Стэфана) і Агаты Грынкевічаў. У 1899 году ён ступіў на амерыканскую зямлю, дзе стаў Elias Grinkevitch. Пазней прозвішча ў англамоўных дакументах пачало пісацца як Grynkewich.

7 кастрычніка 1906 года Эліяс Грынкевіч ажаніўся з 22-гадовай Настай Снігірэвіч (Anastasia Snigerevitch, 1884–1945) – нараджэнкай Вільні, дачкой Адама Снігірэвіча, якая трапіла ў Нью-Ёрк у 1901 годзе. У іх было чацвёра дзяцей. Адзін з іх, Нікалас Грынкевіч (Nicholas Grynkewich, 1915–1969), стаў дзедам генерал-лейтэнанта Алексуса Грынкевіча.

Дарэчы, бацька вайскоўца Грэгары Грынкевіч (Gregory Wayne Grynkewich, 1949–2012) быў вядомым навукоўцам: ён запатэнтаваў 14 вынаходак у сферы ўдасканалення прадукцыйнасці і вытворчасці паўправаднікоў.

Напісаць каментар 4

Таксама сачыце за акаўнтамі Charter97.org у сацыяльных сетках