«Барселона» абвясціла пра вяртанне на «Камп Ноу»

Першы матч на абноўленым стадыёне каманда правядзе 10 жніўня.

«Барселона» афіцыйна абвяшчае пра сваё вяртанне на свой стадыён, «Spotify Камп Ноу», 10 жніўня 2025 – вяха, якая адзначыць частковае паўторнае адкрыццё новага дому клуба ў рамках больш шырокага праекту трансфармацыі Espai Barça. Вяртанне адбудзецца падчас Кубка Жаана Гампера, вельмі асаблівай падзеі для фанатаў «Барсы», – гаворыцца ў заяве клуба.

Працы на «Камп Ноу» яшчэ не закончыліся, таму першы матч на стадыёне пройдзе пры няпоўнай запоўненасці. Прадаўжаецца рэканструкцыя трэцяга яруса трыбунаў, VIP-сектара, даху і іншых аб'ектаў. Паводле інфармацыі The Athletic, чакаецца, што ўмяшчальнасць на першым матчы складзе 25 000 месцаў, а пасля поўнага заканчэння працы стадыён будзе змяшчаць 105 000 – гэта рэкорд для Гішпаніі.

«Барселона» звярнулася да Ла Лігі з просьбай правесці свае першыя матчы ў сезоне на выездзе, каб мець больш часу на падрыхтоўку «Камп Ноу» да правядзення гульняў. Першапачаткова клуб спадзяваўся вярнуцца на стадыён на сваю 125-ю гадавіну ў лістападзе 2024 года. Актуальныя выдаткі на праект складаюць €900 млн.

З 2022 года «Барселона» праводзіла хатнія матчы на Алімпійскім стадыёне, які змяшчае 49 000 гледачоў. Крыніцы ў клубе паведамляюць, што клуб канчаткова вернецца на «Камп Ноу» ў верасні. Таксама клуб можа вярнуцца да пачатку групавога этапу Лігі чэмпіёнаў. Першы еўракубкавы матч у наступным сезоне «Барселона» правядзе ў перыяд з 16 да 18 верасня.

«Камп Ноу» быў адкрыты ў 1957 годзе і з тых часоў належыць «Барселоне». «Камп Ноу» прымаў матчы чэмпіянату Еўропы і свету, а таксама матчы алімпійскага футбольнага турніру 1992 года, уключаючы фінал. Неаднаразова на полі праводзіліся і фіналы найбуйнейшых еўракубкавых турніраў. Акрамя гэтага, стадыён часта выкарыстоўваецца як канцэртная пляцоўка.

У мінулым сезоне «Барселона» стала чэмпіёнам Гішпаніі, а таксама атрымала Кубак і Суперкубак краіны. У Лізе чэмпіёнаў каталонская каманда дайшла да паўфіналу, у якім паводле сумы дзвюх сустрэчаў саступіла «Інтэру» (3:4, 3:3).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com