Зяленскі прапанаваў Трампу дзве новыя ўгоды

Прэзідэнт Украіны раскрыў дэталі сустрэчы з лідарам ЗША.

Прэзідэнт Украіны Уладзімір Зяленскі абмеркаваў з прэзідэнтам ЗША Дональдам Трампам узмацненне СПА ва Украіне і супольную вытворчасць дронаў.

Пра гэта Зяленскі напісаў у Telegram.

«Павіншаваў прэзідэнта Трампа з паспяховай аперацыяй на Блізкім Усходзе. Важна, што дзеянні ЗША аслабілі не толькі іх ядзерную праграму, але і вытворчасць дронаў. Будзем назіраць за сітуацыяй», – напісаў Зяленскі.

Паводле ягоных словаў, з Трампам была абмеркаваная абарона ўкраінцаў і набыццё амерыканскіх сістэмаў СПА для прыкрыцця гарадоў Украіны.

«Украіна гатовая гэтае абсталяванне набыць і падтрымаць амерыканскіх вытворцаў узбраення. Еўропа можа дапамагчы. Таксама гаварылі пра магчымую вытворчасць дронаў. Можам узмацніць адзін аднаго», – расказаў Зяленскі.

Ён расказаў Трампу, як прайшлі сустрэчы тэхнічнай каманды Украіны з Расеяй у Стамбуле і абмены палоннымі і загінулымі. Сярод іншага тое, што Расея перадала Украіне трупы сваіх жа загінулых.

«Цяпер у Кіеве праводзяць экспертызы, каб знайсці іх родных. Пагутарылі пра сітуацыю на полі бою. Пуцін сапраўды не перамагае. Паказаў Трампу фактаж таго, што рэальна адбываецца на зямлі. Дзякуй за сустрэчу і падтрымку. Дзякуй за сапраўды добрыя словы пра нашых людзей. Будзем працаваць далей», – падкрэсліў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com