У Менску зносяць завод «Агат»

Што збудуюць на яго месцы.

У Менску зносяць корпус электрамеханічнага завода «Агат».

Будынкі стаялі на вуліцы Валгаградскай з 1950-х - і вось на іх месцы ўжо з'яўляюцца кучы смецця «вышынёй з два паверхі». Пра гэта парталу onliner.by расказаў чытач.

Чакаецца, што 11 гектараў зямлі пуставаць пасля зносу завода не будуць. На гэтую пляцоўку горадабудаўнікі паклалі вока яшчэ восем гадоў таму, але ў той час не знайшлося інвестараў.

Ужо тады луналі ідэі аб жылым комплексе. У 2023 годзе быў створаны план.

Паводле яго павінна з'явіцца дзевяць пабудоў, кожная на дзесяць паверхаў. Гэта будуць дамы на 1180 кватэр у агульнай суме.

«Дамы павінны быць не масавых серый, а паводле індывідуальных праектаў. Таксама спатрэбяцца дзіцячы садок, грамадскія аб'екты і шматузроўневыя паркінгі. У канцэпцыі прадуманыя закрытыя і напаўзакрытыя групы шматкватэрных дамоў з дварамі без аўтамабіляў. Такі прынцып дазволіць закрыць двары ад шуму і выкідаў з магістраляў», – прыводзіць onliner.by словы распрацоўнікаў праекту.

Новыя квадратныя метры хочуць прапаноўваць тым, хто мае патрэбу. Але ёсць імавернасць, што і людзям, якія не маюць ільгот, можна будзе нагледзець там сабе кватэру.

Рэалізоўваць праект будзе дзяржаўны забудоўнік, але хто канкрэтна, пакуль невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com