КНДР рыхтуе новую партыю жаўнераў для Расеі

Выведка назвала тэрміны размяшчэння.

Паўночная Карэя можа накіраваць у Расею дадатковыя войскі для ўдзелу ў вайне супраць Украіны ў ліпені ці жніўні. Пхеньян працягвае пастаўляць зброю ў Расею.

Пра гэта паведамляе Reuters.

Нацыянальная выведвальная служба (NIS) Паўднёвай Карэі мяркуе, што Расея можа рыхтавацца да маштабнага наступу ва Украіне ў ліпені ці жніўні, паведаміў журналістам чалец парламента краіны Лі Сон Гвон пасля закрытага брыфінгу.

«Дадатковае размяшчэнне можа адбыцца ўжо ў ліпені ці жніўні», - сказаў Лі, дадаўшы, што ў якасці падстаў для сваёй ацэнкі агенцтва спасылаецца на новую падрыхтоўку войск Паўночнай Карэяй і нядаўні візіт у Пхеньян Сяргея Шайгу, кіраўніка Савета бяспекі Расеі.

Паводле інфармацыі NIS, у абмен на пастаўкі Паўночнай Карэяй артылерыйскіх боепрыпасаў і ракет у Расею Пхеньян, імаверна, атрымлівае тэхнічныя кансультацыі па запусках спадарожнікаў і сістэмах навядзення ракет.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com