Падчас футбольнага матчу ў Ляхавічах на табло з'явілася слова з трох літараў

Нецэнзурнае слова на табло вывеў 11-гадовы школьнік.

Падчас футбольнага матчу ў Ляхавічах на экране табло з'явілася нецэнзурнае слова. Відэа інцыдэнту апублікавалі ў сацсетках – там ролік заўважылі супрацоўнікі міліцыі, якія праводзілі «маніторынг сеткі інтэрнэт». У выніку асобу парушальніка вызначылі, расказалі ў МУС.

Высветлілася, што нецэнзурнае слова на табло вывеў 11-гадовы школьнік. Хлопец растлумачыў, што захапляецца праграмаваннем і ў адным з ролікаў у TikTok «даведаўся пра спецыяльную праграму, з дапамогай якой можна выводзіць розныя тэксты на інфармацыйныя экраны».

«Знаходзячыся на футбольным матчы і падабраўшы пароль да сеткі Wi-Fi, праз якую выводзіўся лік футбольнага матчу, надумаў паэксперыментаваць і вывеў нецэнзурнае слова на экран. У сілу ўзросту хлопец не падлягае да змушэння адміністрацыйнай адказнасці», – паведамілі ў МУС.

Ва ўстанове дадалі, што ўчынак школьніка абмяркуюць на камісіі справаў няпоўнагадовых. Акрамя таго з іншымі навучэнцамі правядуць «індывідуальную прафілактычную працу».

На бацькоў парушальніка склалі пратакол аб невыкананні абавязкаў выхавання дзяцей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com