«Дармаедам» пачалі пагражаць арыштам

Даюць пяць дзён на выбар аднаго з варыянтаў працаўладкавання.

У канцы чэрвеня ў адным з аддзелаў міліцыі Гомеля прайшла так званая прафілактычная акцыя, на якую выклікалі мясцовых жыхароў, уключаных у спіс не занятых у эканоміцы. Тых, хто не з'явіцца ў цэнтр занятасці, прыстрашылі «суткамі», піша «Флагшток» са спасылкай на мясцовага жыхара.

Паводле звестак выдання, адзін з удзельнікаў прафілактычнай гутаркі расказаў у сацсетках, што мерапрыемства прайшло ў актавай зале РАУС, дзе сабралі амаль 200 чалавек.

«Людзьмі ўсю залу забілі. Потым выклікалі ўсіх па прозвішчах, у чарзе і цяжарныя сядзелі, і тыя, хто не жыве ўвогуле ў Беларусі, але прыязджаў дадому. І ўсіх адпраўлялі на Пралетарскую (управа працы, занятасці і сацабароны заўв.). Усіх запар - і старых, і малых. Бабкі, дзядкі, кульгавыя, на мыліцах - усіх», - распавёў ён.

Са слоў відавочцы, пасля наведвання гэтага сходу людзям далі пяць дзён на выбар аднаго з варыянтаў працаўладкавання. Тым, хто не з'явіцца ў цэнтр занятасці, будуць ізноў дасылаць выклік на новы сход у міліцыі, а пасля можа быць прыцягненне да адміністрацыйнай адказнасці аж да 15 дзён арышту. Пры гэтым сілавікі не тлумачылі, на якой прававой падставе магчымы такі арышт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com