У Менску прадаюць кватэру каля парку ўсяго за $38 тысяч
27- 27.06.2025, 20:28
- 15,052

У чым каверза?
У Менску на таргі выставілі кватэру коштам на дзіва нізкім — усяго за 38 тысяч даляраў. Гэта звычайная аднапакаёвая кватэра ў шматпавярховіку, стан цалкам добры, знаходзіцца ў паркавай зоне каля Сляпянскай воднай сістэмы, піша realt.by. А ў чым тады каверза?

Кватэра знаходзіцца на першым паверсе шматпавярховіка на вуліцы Тухачэўскага, 3. Насупраць - парк Чынгіза Айтматава і бераг Сляпянскай воднай сістэмы. Да станцыі метро «Партызанская» - 17 хвілін пешшу.
Кватэра аднапакаёвая, агульая плошча 32,1 м2. Планаванне простае: калідор, сумешчаны санвузел, кухня і спальня. Стан жылы,са звычайным рамонтам.



Кватэра прадаецца на электроннай пляцоўцы «БелЮрЗабеспячэнне» з прычыны доўгу ўладальніка (іпатэка). Пачатковы кошт - 112 753 рублёў або 38 тысяч даляраў паводле курсу.
Але варта мець на ўвазе, што на гэтай жылплошчы зарэгістравана адразу 9 асоб, (тры з іх непаўнагадовыя).
Таргі адбудуцца 15 ліпеня 2025 г. у 9:00.