З 1 ліпеня ў беларускіх крамах уводзяць змену
18- 27.06.2025, 17:37
- 24,416
Новаўвядзенне закране як супрацоўнікаў на касах, так і пакупнікоў.
Пачынаючы з 1 ліпеня ва ўсіх крамах краіны стане абавязковым сканаванне спецыяльных QR-кодаў на таварах. Гэта навіна закране як супрацоўнікаў на касах, так і пакупнікоў, якія выкарыстоўваюць касы самаабслугоўвання.
Чаму ўвялі новую сістэму сканавання тавараў
У Міністэрстве па падатках і зборах (МПЗ) паведамілі, што гэта агульнае новаўвядзенне ва ўсіх краінах ЕАЭС - Арменіі, Казахстане, Кыргызстане і Расеі. Гэта робіцца дзеля"недапушчэння рэалізацыі пакупнікам фальсіфікаваных, кантрафактных і недабраякасных тавараў".
Дзеля гэтай змены гандаль абавязалі перайсці на новае касавае абсталяванне. Калі ў звычайных касах пакупнік можа не заўважыць розніцу, то ў касах самаабслугоўвання кожны асабіста сустрэнецца з новымі правіламі.
Некаторыя наведвальнікі сеткі "Еўраопт" ужо сутыкнуліся з неабходнасцю сканаваць QR-код на тавары (яго яшчэ называюць DataMatrix) - прычым не замест штрыхкодаў, а ў дадатак да яго.
Як гэта будзе працаваць?
Прыйшоўшы на касу самаабслугоўвання, пакупніку трэба будзе сканаваць як звычайны штрых-код (GTIN), так і QR-код.
Гэта значыць, што няма адзінага правіла, калі трэба дадаткова счытваць код, а калі не. Але ў ведамстве запэўніваюць, што каса самаабслугоўвання сама папярэдзіць пра патрабаванне.
Калі спецыяльны код не счытваецца, давядзецца прасіць дапамогі кансультанта або касіра.
У ведамстве запэўніваюць, што пераход да новай сістэмы павінен прайсці "без наступстваў для пакупнікоў". Аднак сам факт таго, што прабівацца будзе не адзін код, а два, павялічвае працягласць абслугоўвання пакупніка на касе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
