Прыправы з кішачнай палачкай знойдзеныя ў Беларусі

Праверце свае запасы.

Дзяржстандарт працягвае вывучаць прылаўкі крам і папаўняць рэестр небяспечнай прадукцыі, паведамляе «Точка».

На гэты раз спецыялісты здолелі знайсці ў прыправах беларускай вытворчасці небяспечныя для здароўя чалавека бактэрыі і мікраарганізмы.

Так, гаворка ідзе пра спецыі вытворчасці «Івацэвіцкага райпа». З 1 ліпеня пад забарону трапілі «Хатняя» і «Беларуская» сумесі.

Паводле інфармацыі Дзяржстандарта, у прадукцыі выяўленыя бактэрыі групы кішачнай палачкі і сульфітрэдуцыруючыя кластрыдыі, здольныя выклікаць сур'ёзныя праблемы ў страўнікава-кішачным тракце.

Больш за тое, у пакеціках знайшлася цвіль — у 10 разоў большая за дапушчальную норму.

Расейская «замарозка» - туды ж

У няласцы спецыялістаў таксама некалькі паўфабрыкатаў расейскіх вытворцаў.

Напрыклад, замарожаная піца вытворчасці «Шчаўкоўскага МПК».

У прадукце знойдзена ў 12 разоў больш мезафільных аэробных і факультатыўна-анаэробных мікраарганізмаў ад дапушчальнага іх ліку. Кішачная палачка склала мікробам дрэнную кампанію.

З такімі ж парушэннямі трапіліся разанскія бліны: тварожныя і з мясам. У першым выпадку дапушчальныя нормы перавышаныя ў 35 разоў, у другім - у 10.

Раней прадукцыю разанскай фабрыкі «Ліна» ўжо лавілі ў Беларусі за дрэнную якасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com