Нямеччына і Ізраіль дамовіліся стварыць уласны «кіберкупал»

Падрабязнасці.

Нямеччына і Ізраіль у рамках паглыблення абароннага супрацоўніцтва хочаць стварыць так званы "кіберкупал". Гэта дазволіць абедзвюм краінам эфектыўна і скаардынавана абараняцца ад кіберпагроз.

Пра гэта напісала інфармацыйнае агенцтва Reuters са спасылкай на заяву міністра ўнутраных спраў Нямеччыны Александэра Добрындта.

Паглыбленне супрацоўніцтва паміж выведвальнымі і службамі бяспекі дзвюх краін прадугледжвае таксама стварэнне сумеснага нямецка-ізраільскага цэнтра кібердаследаванняў.

“Адной толькі вайсковай абароны недастаткова для пераломнага моманту ў бяспецы. Значнае абнаўленне цывільнай абароны таксама з'яўляецца важным для ўмацавання нашых агульных абаронных магчымасцяў”, - сказаў Добрындт падчас візіту ў Ізраіль.

Добрынддт, нядаўна прызначаны міністрам ва ўрадзе канцлера Фрыдрыха Мерца, акрэсліў план з пяці пунктаў, які павінен прывесці да стварэння так званага "кіберкупала". Яго працу будуць забяспечваць кіберпадраздзяленні бяспекі Нямеччыны і Ізраілю.

Нямеччына - адзін з бліжэйшых хаўруснікаў Ізраіля ў Еўропе. Берлін імкнецца выкарыстоўваць абаронны вопыт Ізраіля, паколькі нямецкі ваенны патэнцыял зараз актыўна нарошчваецца, улічваючы пагрозы з боку РФ і Кітая.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com