Колькі каштуе летні адпачынак за мяжой з вылетам з Менска

Турцыя - ад 1 600 еўраў, Егіпет — блізу 1800 даляраў, і «танны» Тайланд.

Турфірмы Беларусі назвалі кошт адпачынку ў Егіпце, Турцыі, Балгарыі летам 2025.

Важна разумець: адназначную «сярэднюю цану» назваць складана. На яе ўплывае вельмі шмат чыннікаў - узровень гатэля, колькасць зорак, якасць абслугоўвання, харчавання, напояў, адлегласць да пляжу, час трансферу з аэрапорта і іншыя дробязі, распавядае «КП».

Адпачынак у Егіпце

Паводле інфармацыі ад менскага турагенцтва, у пачатку летняга сезона тур у Егіпет на 9-10 начэй каштавацьме мінімум 1800 даляраў. Пры гэтым гаворка ідзе аб гатэлі сярэдняга ўзроўню. Калі хочацца лепшых умоў, то варта рыхтавацца да сумы ад 2000-2200 даляраў на дваіх (з вылетам з Менска).

Адпачынак у Турцыі

Турцыя застаецца адным з самых папулярных кірункаў у беларусаў. Для тых, хто выбірае адпачынак паводле сістэмы «ўсё ўключана» з вылетам з Менска чартарам, цана ў пачатку лета стартуе ад 1600-1800 еўраў за 9-10 начэй на дваіх — гэта самы просты варыянт. Больш камфортныя гатэлі каштавацьме ад 2000 еўраў.

Адпачынак у Тайландзе

Беларусы ўсё часцей выбіраюць Тайланд. Цяпер там сезон дажджоў, таму трэба быць гатовым да вільготнага надвор'я, хоць дажджы і не ідуць увесь час.

Са слоў турагентаў, цяпер найбольш выгадна ляцець у Тайланд з Масквы — гэта дазваляе прыкметна зэканоміць. Кошт тура на дваіх (9-10 начэй) — ад 1600-1800 еўраў. У «высокі сезон», калі дажджы скончацца, аналагічны тур можа каштаваць ад 2300 еўраў.

Адпачынак у Балгарыі

Балгарыя - адзін з цікавых варыянтаў сезона-2025, са слоў спецыялістаў. Вылет адбываецца з Вільні ці Варшавы, а шэраг турфірмаў дапамагае з атрыманнем шэнгенскай візы, каб паехаць у Літву ці Польшчу і ўжо адтуль ляцець у Балгарыю.

Кошт адпачынку на дваіх - ад 1200 еўраў. Але ёсць момант: візавую падтрымку даюць у асноўным для тураў на ліпень 2025 года, таму, калі адпачынак плануецца на гэты месяц — самы час займацца арганізацыяй.

Адпачынак у Чарнагорыі

Таксама беларускія турагенцтвы прапануюць адпачынак у Чарнагорыі - вылет з Менска з перасадкай у Стамбуле. Але кошты не самыя даступныя: ад 2500 еўра на дваіх і гэта — без уключанага харчавання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com