Парламент Манголіі адправіў у адстаўку прэм'ер-міністра

На працягу тыдняў ва Улан-Батары ішлі антыкарупцыйныя пратэсты.

Прэм'ер-міністр Манголіі Луўсанамсрайн Оюўн-Эрдэнэ ў аўторак, 3 чэрвеня, на фоне антыкарупцыйных пратэстаў, якія прадаўжаюцца ў сталіцы краіны Улан-Баторы ўжо некалькі тыдняў абвясціў, што сыходзіць у адстаўку.

Напярэдадні пастанову аб адстаўцы кіраўніка ўрада пасля тайнага галасавання прыняў вялікі дзяржаўны хурал (парламент) Манголіі.

Інфармагенцтвы ўдакладняюць, што Луўсаннамсрайн Оюун-Эрдэнэ працягне выконваць свае абавязкі да прызначэння новага прэм'ер-міністра. Паводле законк новы кіраўнік мангольскага ўрада павінен быць прызначаны на працягу 30 дзён.

Са звестак сусветных агенцтваў, удзельнікі пратэстаў ва Улан-Батары патрабуюць ад Оюун-Эрдэнэ назваць крыніцу даходу ягонага 22-гадовага сына, нявеста якога апублікавала ў сацсетках здымкі дарагіх падарункаў ад яго, у тым ліку пярсцёнкі з дыяментам, аўтамабілі і брэндавыя торбы. Распаўсюджаным воклічам на пратэстах, якія падтрымала мноства маладых людзей, як піша агенцтва AFP, была фраза: «Resignation is easy» (Адстаўка — гэта проста).

Луўсаннамсрайн Оюун-Эрдэнэ займаў пасаду прэм'ер-міністра Манголіі з 2021 года. Усе абвінавачванні ў карупцыі, выстаўленыя супраць яго, ён адмаўляе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com