Латвію на два гады абралі ў Раду Бяспекі ААН

Рыга спаборнічала за гэтае месца з Чарнагорыяй.

Краіны арганізацыі Аб'яднаных Нацый прагаласавалі за абранне Латвіі ў Раду Бяспекі на 2026 і 2027 гады. Пра гэта паведамляе партал Delfi.

Галасаванне прайшло на пасяджэнні Генеральнай Асамблеі ААН у Нью-Ёрку. Латвія ўпершыню вылучыла сваю кандыдатуру на гэтае месца і з'яўлялася адзіным кандыдатам ад Усходняй Еўропы. Да 31 студзеня Латвія спаборнічала з Чарнагорыяй, але зняла сваю кандыдатуру.

Латвія абяцала дапамагчы ўмацаваць супрацоўніцтва паміж краінамі-чальцамі ААН, рознымі арганізацыямі і грамадскасцю для дасягнення міру і бяспекі. Краіна мяркуе, што ААН павінна засяроджвацца на прадухіленні канфліктаў, абароне цывільных асоб падчас войнаў і мірным развязанні спрэчак.

Рыга таксама хоча, каб Рада Бяспекі ААН была больш адказнай, празрыстай і выразна ўзгадняла свае дзеянні.

Рада Бяспекі ААН - гэта адзін з асноўных органаў, які прымае важныя пастановы аб санкцыях, вайсковых аперацыях і падтрыманні міру. У Раду Бяспекі ўваходзяць 15 краін, сярод якіх пастаянныя чальцы – ЗША, Францыя, Вялікабрытанія, Расея і Кітай. Кожны год выбіраюць пяць новых чальцоў на двухгадовы тэрмін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com