Вецер валіў дрэвы ў розных рэгіёнах Беларусі

Ёсць пацярпелыя.

Штармавое папярэджанне, абвешчанае Белгідраметам у суботу, пацвердзілася. У Менскай, Гарадзенскай і Віцебскай абласцях праз моцны вецер паваленыя дрэвы, паведамляе onliner.by.

МНС паведамляе, што на тэрыторыі Менскай вобласці зафіксаваныя адзінаццаць выпадкаў падзення дрэў у шасці раёнах: Дзяржынскім, Менскім, Капыльскім, Маладзечанскім, Пухавіцкім і Салігорскім. У сталіцы праз падзенне галіны ў Батанічным садзе два чалавекі атрымалі траўмы.

Як мы ўжо пісалі, у Ждановічах дрэва, якое ўпала, пашкодзіла легкавы аўтамабіль. Таксама ў Менску ратавальнікі выязджалі на пяць выклікаў па распілоўванні дрэў, якія ўпалі ў розных раёнах горада.

У Віцебскай вобласці ратавальнікаў шаснаццаць разоў прыцягвалі да ўборкі паваленых дрэў - у Бешанковіцкім, Віцебскім, Полацкім, Гарадоцкім, Докшыцкім, Лёзненскім, Глыбоцкім, Расонскім, Шумілінскім раёнах і ў самім Віцебску.

На Гарадзеншчыне зафіксаваныя чатыры выпадкі падзення дрэў - у абласным цэнтры і Гарадзенскім раёне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com