Беларусы знайшлі спосаб не прабіваць QR-коды на таварах

Як гэта працуе?

Прабіваць QR-коды на касах неабавязкова – беларусы знайшлі спосаб абыйсці сістэму, паведамляе Blizko.by.

Зусім хутка беларусы пры аплаце на касах самаабслугоўвання будуць абавязаны счытваць коды маркіроўкі плюс да штрыхкодаў. Такая працэдура стане абавязковай ужо з 1-га ліпеня.

Аднак звычайныя пакупнікі новаўвядзенне не ацанілі. Працэс пакупкі задоўжваецца, а няшчасная маркіроўка можа быць размешчаная дзе заўгодна і памеру можа быць рознага.

Апошняя дэталь і дапамагла выявіць лайфхак. Але працуе ён з некаторымі агаворкамі.

Пакупнікі спрабавалі прабіць QR-код на глазураваным сырку, але ён быў настолькі маленькім, што ў сканера ніяк не атрымлівалася яго ўчапіць.

У такіх выпадках трэба звяртацца да адміністратара, і на гэты раз ён сапраўды дапамог.

Лайфхак заключаецца ў наступным: скануем штрыхкод другі раз. Сістэма тут жа выдае папярэджанне: «Знайдзіце адмысловую марку на тавары (падобная на QR-код), адскануйце марку сканарам».

Тут жа сказана (з памылкай): пры адсутнасці маркі на тавары неабходна звярнуцца да адміністратара.

Што ж рабіць? А нічога. Праз некалькі секунд на экране проста з'яўляецца зялёная кнопка «Дадаць тавар у чэк». Націскаем – і ўсё спрацоўвае як звычайна.

Працуе такая схема толькі з касамі ў крамах «Еўраопт». Хутчэй за ўсё гэта часовы баг і яго могуць у любы момант выправіць.

У Міністэрстве падаткаў і збораў сказалі, маркіроўка тавараў спецыяльнымі кодамі патрэбная для таго, каб змагацца з падробкамі і незаконным абаротам прадукцыі. Двухмерны код Data-Matrix дазваляе пакупнікам пераканацца ў якасці і легальнасці тавару.

Сістэма з кодамі працуе не толькі ў Беларусі, але і ў краінах ЕАЭС (Арменіі, Казахстане, Кыргызстане і Расеі).

Згодна з пастановай Саўміна, маркіроўцы падлягаюць такія тавары, як:

гарбата, кава, малочная прадукцыя, алей, ікра

сокі, вада, газіроўкі

піва, слабаалкагольныя напоі

абутак, тавары лёгкай прамысловасці, футравыя вырабы, гадзіннікі

аліва, шыны і покрыўкі пнеўматычныя гумовыя новыя, мыйныя сродкі

вадкасці для электронных сістэмаў палення

ноўтбукі, планшэты, прынтары, мабільныя тэлефоны, маніторы, тэлевізары і іншае.

Як часта ў беларускіх крамах былі праблемы з няякаснай і нелегальнай прадукцыяй, у МПЗ не ўдакладнілі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com