Названыя самыя экалагічныя раёны Менска

Не ўсе раёны аднолькава зялёныя.

Азеляненне Менска па выніках 2024 года дасягнула 42,32% пры норме 40%. Пры гэтым самы зялёны раён сталіцы — Партызанскі, а менш за ўсё зеляніны ў Кастрычніцкім. Пра гэта піша Tochka.by.

Калі казаць пра чысціню паветра, то больш за ўсё забруджвальных выкідаў фіксуюць у Заводскім, Фрунзенскім і самым зялёным Партызанскім раёнах. На гэтых тэрыторыях размешчаны асноўныя прамысловыя прадпрыемствы. Пры гэтым 80% забруджвальных выкідаў прыпадаюць на аўтамабілі і толькі 20% — на прадпрыемствы. Агулам жа стан атмасфернага паветра сталіцы ацэньваецца як добры і вельмі добры.

«Агульны валавы выкід на тэрыторыі Менска за апошнія тры гады скараціўся на 13,4 тысячы тон і паводле вынікаў 2024-га склаў 90 тысяч тон», — адзначыла намесніца старшыні Менскага гарадскога камітэта прыродных рэсурсаў і аховы навакольнага асяроддзя Таццяна Дубік.

Вадаёмы Менска паводле гідрахімічных паказчыкаў ацэньваюцца таксама нядрэнна: стан ракі Свіслачы добры, Лошыцы — прымальны.

«У мэтах зніжэння ўплыву ачышчальных збудаванняў на раку Свіслач цяпер рэалізуецца праект рэканструкцыі Менскай ачышчальнай станцыі, які дазволіць палепшыць характарыстыкі вычышчаных сцёкавых вод, якія паступаюць у раку», — расказала чыноўніца.

Што тычыцца яшчэ аднаго экалагічнага паказчыка — адкідаў, — то Менск штогод мае блізу 900 тысяч тон камунальных адкідаў і амаль 3 млн тон адкідаў вытворчасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com