Колькі каштуюць туры ў беларускія санаторыі

Не кожнаму беларусу такі адпачынак па кішэні.

У Міністэрстве працы і сацыяльнай абароны расказалі, як можна аздаравіцца летам у ведамасных санаторыях, у тым ліку паджылым людзям. Колькі каштуе тур і хто можа атрымаць зніжку, піша tochka.by.

Гаворка ідзе пра санаторыі «Бярэзіна», «Белая Вежа», «Ясельда» і «Вяжуці».

Аздараўленне ў іх каштавацьме больш як Br1000. Столькі каштуе тур на 15 дзён.

Бясплатна або са зніжкай

У Мінпрацы нагадалі, што некаторыя могуць разлічваць на зніжку пры аздараўленні, а сёй-той і зусім можа адпачыць бясплатна. Да апошніх належаць інваліды I і II групы незалежна ад занятасці. Яны могуць бясплатна ездзіць у санаторыі раз на два гады. Суправаджальнікі інвалідаў I групы таксама забяспечваюцца турамі, праўда, без лячэння.

Льготным коштам могуць аздараўляцца непрацоўныя ветэраны працы і непрацоўныя інваліды III групы. Але не часцей за адзін раз на тры гады.

Як правіла, яны аплачваюць 15-20% ад кошту туру ў залежнасці ад даходу і сезону. Атрымліваецца Br150-200.

Колькі людзей адпачыла ў санаторыях

У 2024 годзе беларускія санаторыі прынялі 571,8 тыс. адпачывальнікаў, сярод якіх 31,8% склалі замежныя грамадзяне. Гэтыя звесткі даў Белстат.

Усяго летась беларускія санаторыі наведалі людзі з 67 краін.

Першае месца паводле колькасці адпачывальнікаў у нашых санаторыях займае Расея, другое – Латвія, трэцяе – Азербайджан.

У параўнанні з мінулым годам колькасць замежнікаў узрасла на 15%. Гэта прынесла нашай краіне больш за Br80 млн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com