TIME: Чаго чакаць ад тэлефоннай размовы паміж Трампам і Сі
7- 4.06.2025, 14:25
- 3,008
Міністр фінансаў ЗША перакананы, што лідары «згладзяць» супярэчнасці.
Паміж ЗША і Кітаем можа неўзабаве адбыцца тэлефонная размова на вышэйшым узроўні. Белы дом пацвердзіў, што прэзідэнт ЗША Дональд Трамп і старшыня КНР Сі Цзіньпін, магчыма, правядуць перамовы ў найбліжэйшыя дні, піша часопіс TIME (пераклад - сайт Charter97.org).
Галоўнай тэмай абмеркавання стане гандаль. Дзве найбуйнейшыя эканомікі свету ўжо даўно ўцягнутыя ў гандлёвую вайну, якая абвастрылася пасля ўвядзення Трампам 145% мыт на кітайскія тавары. У адказ Пекін устанавіў 125% тарыфы на амерыканскі імпарт. У траўні ў Жэневе была дасягнутая часовая дамоўленасць аб зніжэнні тарыфаў, аднак ЗША абвінавачваюць Кітай у парушэнні ўмоў пагаднення — у кантролі над экспартам рэдказямельных металаў.
Міністр фінансаў ЗША Скот Бесэнт выказаў упэўненасць, што падчас перамоў лідары «згладзяць» супярэчнасці. Аднак кітайскі бок таксама абвінаваціў ЗША ў аднабаковых абмежаваннях - ад візавых санкцый для студэнтаў да абмежаванняў на экспарт тэхналогій.
Таксама чакаецца абмеркаванне палітыкі ў сферы адукацыі. Адміністрацыя Трампа мае намер адклікаць візы ў кітайскіх студэнтаў, асабліва звязаных з кампартыяй і стратэгічнымі галінамі КНР. Кітай называе гэтыя дзеянні дыскрымінацыйнымі і парушэннем дасягнутых дамоўленасцяў.
Тэмай размовы можа стаць і прыток фентанілу ў ЗША, на фоне якога пачаўся новы віток тарыфнай вайны.
Хоць Трамп публічна заяўляе, што «любіць і паважае» Сі, ён таксама падкрэслівае, што з ім «надзвычай цяжка ўкладаць угоды». Аналітыкі мяркуюць, што кітайскі лідар, хутчэй за ўсё, не захоча ствараць уражанне, быццам саступае ціску з боку ЗША, асабліва ў вачах сваёй унутранай аўдыторыі.
Такім чынам, чаканні ад магчымай размовы невялікія - максімум, стораны могуць дамовіцца аб прынцыпах далейшых перамоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
