СБУ паказала самыя яркія кадры ўдару па расейскіх аэрадромах

Асобныя пашкоджаныя самалёты будуць адбудоўвацца «доўгімі гадамі».

Служба бяспекі Украіны паказала частку самых яркіх відэа пашкоджанняў самалётаў стратэгічнай авіяцыі РФ па выніках спецаперацыі «Павуцінне». Значная частка з іх знішчана «незваротна», а асобныя пашкоджаныя самалёты будуць адбудоўвацца «доўгімі гадамі».

Відэа ўдараў апублікавала прэс-служба СБУ ў сераду, 4 чэрвеня.

На кадрах зафіксаваныя ўдары FPV-дронаў СБУ па чатырох варожых аэрадромах: «Аленья», «Іванава», «Дзягілева» і «Белая», дзе базавалася стратэгічная авіяцыя дзяржавы-агрэсаркі, якая рэгулярна абстрэльвае мірныя ўкраінскія гарады.

Як адзначылі ў СБУ, сярод пашкоджаных паветраных суднаў-А-50, Ту-95, Ту-22, Ту-160, а таксама Ан-12 і Іл-78.

У спецслужбе паведамілі, што падчас правядзення аперацыі былі выкарыстаныя сучасныя тэхналогіі кіравання беспілотнымі лятальнымі апаратамі, якія спалучалі аўтаномныя алгарытмы штучнага інтэлекту з ручным кіраваннем аператараў.

Адзначаецца, што ў асобных выпадках, калі БпЛА страчвалі сігнал, яны аўтаматычна пераходзілі да выканання задачы па папярэдне вызначаным маршруце, выкарыстоўваючы сістэмы штучнага інтэлекту. У момант набліжэння да пэўнай цэлі баявая частка запускалася аўтаматычна пасля фіксацыі кантакту з аб'ектам.

4 чэрвеня Прэзідэнт Украіны Уладзімір Зяленскі паведаміў, што з 41 расейскага самалёта, знішчанага падчас аперацыі Службы бяспекі Украіны «Павуцінне», палова не падлягае аднаўленню.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com