У Вялікай Брытаніі стварылі прэпарат, здольны спыніць і палепшыць стан пры фіброзе печані
6- 4.06.2025, 19:01
- 4,812
Новая надзея.
Навукоўцы з Універсітэта Сандэрленда абвясцілі аб прарыве ў барацьбе з адной з самых утоеных і небяспечных хвароб печані.
Іх каманда распрацавала эксперыментальны прэпарат, які здольны спыніць і нават палепшыць сітуацыю пры фіброзе печані - захворванні, якое доўгі час уважалася за невылечнае, паведамляе New Voice.
Даследнікі пад кіраўніцтвам доктара Марыі Тэрэзы Барэла засяродзіліся на ферменце HDAC6, які грае ключавую ролю ў запаленчых працэсах і актывацыі клетак печані, якія выпрацоўваюць калаген - асноўнага віноўніка рубцавання тканін. Блакуючы працу гэтага ферменту, удалося прыкметна скараціць запаленне і клеткавы стрэс у тканках печані, што адкрывае магчымасць кантраляваць развіццё хваробы.
Каманда стварыла два новыя інгібітары HDAC6, якія ў лабараторных умовах паказалі пераканаўчыя вынікі. Прэпараты значна змяншалі актыўнасць запаленчых працэсаў і ўтварэнне рубцовай тканкі, пацвярджаючы, што мэтанакіраванае ўздзеянне на HDAC6 можа стаць асновай для будучых метадаў лячэння.
Фіброз печані - сур'ёзная пагроза: захворванне працякае практычна без сімптомаў і выяўляецца на позніх стадыях, калі застаецца мала варыянтаў лячэння, часцей за ўсё абмяжоўваючыся перасадкай. Паводле інфармацыі адмыслоўцаў, у адной толькі Вялікай Брытаніі на гэтую хваробу пакутуюць амаль 2 мільёны чалавек.
Доктар Барэла адзначыла, што новыя прэпараты даюць шанец змяніць падыход да тэрапіі не толькі фіброзу, але і іншых запаленчых захворванняў, уключаючы паталогіі скуры. Брытанская дабрачынная арганізацыя British Liver Trust ужо падтрымала вынікі даследавання, назваўшы іх «абнадзейлівымі», якія патэнцыйна ратуюць тысячы жыццяў.
Праца апублікаваная ў навуковым выданні The FEBS Journal.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
